天星保衛戰-min

天星保衛戰 靠公民拘捕?

旺角殺街後,成班大媽殺入天星碼頭,好明顯係搵銀兼對付法輪功,亦爆發 天星保衛戰 ,只不過,一味得個圍字,係對付唔到班大媽,好明顯,依家係得《刑事訴訟程序條例》第101條,睇可唔可以攞正牌,以最低限度武力,制止呢班大媽。

天星保衛戰 與公民拘捕

天星保衛戰用唔用得公民拘捕,同係唔係可予拘捕罪行有關,如果純粹班友噪音擾民,梗係唔用得呢招,但有以下情況,係可以行使公民拘捕權,同呢班友逐個擊破

情況罪行
違反逗留條件入境條例第41條:任何人違反對他有效的逗留條件,即屬犯罪,經定罪後,可處第5級罰款及監禁2年
收陀地《盜竊罪條例》第23條(1):任何人如為使自己或另一人獲益,或意圖使另一人遭受損失,而以恫嚇的方式作出任何不當的要求,即屬犯勒索罪;而就此而言,凡以恫嚇的方式作出要求,均屬不當,
襲擊唔係乜都得,要達到《侵害人身罪條例》第39條標準:任何人因襲擊他人致造成身體傷害而被定罪,即屬犯可循公訴程序審訊的罪行,可處監禁3年。 (ABH)

當然,要根據以上三種情況,去對呢班大媽公民拘捕,係要出啲橋,例如果班大媽懷疑佢無身份,最好先做報警X,喺警察查緊大媽身份證果陣,影低果啲人揸身份證定雙程證,但我相信好多係雙程證,根本違反逗留條件,班大媽收錢果陣,又係要影低,有夠證據,達致「合理懷疑」至出手,費時班黑警唔拉大媽拉咗你,咁就無謂,你都知依家香港法律執行上已經無咗是非黑白之分。

同埋,用乜嘢合理武力制止大媽都係重要,我嘅睇法係,一係好多人圍住大媽,然後將大媽交俾警察,成個過程全程錄影甚至Facebook Live,一係直頭用索帶制服大媽,然後成個過程錄低,確保自己唔會被人老屈,所以呢啲嘢,最好事前有幾個人合作做,同埋做好法律研究,以及相關嘅武力研究,最低限度武力係無一個清晰嘅標準,但避免大媽受傷係你嘅責任,你當自己係差佬,唔好被人話係黑警情況下應該點執法就啱,就算係警察,佢地授權使用槍械呢啲都好,佢地過咗最低武力果條線,一樣係非法毆打,一如朱經緯,朱經緯話係黑警啫,你唔係黑警喎。

當如果有人係會用到公民拘捕果陣,班大媽你估仲會唔會喺天星碼頭,反而有人申請天星碼頭禁制令要小心,星光行會唔會有租戶收中共柯打,張禁制令係對付埋法輪功,或其他賣唱之人,呢個要絕對小心,香港好似陳曼琪一類嘅仆街係絕對唔少,所以處理果陣係要務必小心。

當然,我認為依家香港呢個時勢,可以走都應該走,但如果走唔到要抵抗到底,都應該有啲基本武學底子,識自衛術係應該係必須,你唔怕大媽,都怕日後兵荒馬亂果陣有賊。

發表迴響

你的電子郵件位址並不會被公開。 必要欄位標記為 *