陳凱欣-高永文-min

趨炎附勢 陳凱欣

依家傳聞 陳凱欣 係出戰九龍西補選嘅土共候選人,以土瓜灣一帶選民嘅被虐狂,劉小麗都贏面唔大,但 陳凱欣 呢種人,我覺得有必要喺開始選舉前開一槍,因為呢啲趨炎附勢嘅友仔實在太核突,我依家開闢香港時間深宵(歐洲時間晚間)時段,就不妨講埋呢個人,呢段時間啲文,有比較casual唔追SEO Traffic嘅空間。

陳凱欣 係乜嘢記者

記者為咗做新聞嘅source,自己條beat,同啲達官貴人有交情係無可避免,所以我一般唔深究,呢個係前線記者必須技能。但 陳凱欣 為咗自己做醫療beat方便,同高永文呢啲友仔熟,呢個可以理解,特別沙士果陣,同高永文熟好著數,可以攞到多啲第一手資料,但問題係,呢個技能應該用喺公共利益相關嘅事, 陳凱欣 唔係,跟住變咗放風工具,然後做埋高永文弟子,直頭投埋共。當然 陳凱欣 果啲白鴿眼行為,我就知道咗好耐,如果你以為呢個人會睇得起啲基層人,你真係對某啲人嘅人格理解太少。

陳凱欣 呢啲人核突係,為咗上位,乜都得,當然好多新聞人都走咗出去做公關,但好多都係因為新聞空間收窄,或者再上去做管理層就必須做仆街嘢,所以寧願做僱傭兵好過,呢個係好多新聞界中人經歷過,亦唔係個個新聞人有能力自己整部Server,一手一腳搞好多事出嚟。 陳凱欣 依家先做政助,後代表土共披戰袍,呢啲人唔係果回事,呢啲係為求上位不擇手段嘅人,你支持一個咁嘅人,你無病嘛。好多土共我睇唔起,都係因為佢地都係物以類聚,邊個有權黐邊個,選果個就扮晒為民請命,贏咗議席就你活埋土瓜灣都關人X事,呢個就係 陳凱欣 呢種人核突嘅地方。當然,劉小麗係另一種核突,只不過,如果用lesser evil原則,我寧願一件廢嘅劉小麗,都無一個卑鄙嘅 陳凱欣 咁有殺傷力喇。搏上位唔緊要,但如果搏到太無底線,就好得人驚,佢係記者出身,佢無理由唔知佢同緊啲乜嘢人為伍嘛。

所以,我仍然係以一個商人為榮,當然唔係香港果款賣港商人,我只不過係喺德國做零售小商人,至少,我仲有獨立性,唔駛趨炎附勢。

發表迴響

你的電子郵件位址並不會被公開。 必要欄位標記為 *