上海民族黨-min

上海民族黨 真係搞出嚟:中國內戰訊號

大家唔明點解,梁振英要狂打陳浩天嘅香港民族黨,當然,梁振英會早日幾日收風,今日美國世界日報嘅 上海民族黨 廣告成咗答案,一個山寨香港獨立運動好多嘢嘅組織,照辦煮碗搞上海獨立,隨時係內戰爆發嘅訊號,中國一如南斯拉夫解體指日可待。

上海民族黨 事不尋常

點解某程度上, 上海民族黨 係照香港嘅食譜山寨出嚟,大家睇下表就明

香港上海
香港民族黨上海民族黨
香港旗(英屬香港旗)上海旗(上海公共租界旗)
部分人主張脫亞入歐(香港人英國國籍)主張脫亞入歐(上海公共租界以歐人為主)

當然由香港嘅戰略角度出發,呢個食譜照抄唔係壞事,其他中國地區要抄都係隨便,一如斯洛文尼亞同克羅地亞,喺南斯拉夫瓦解期間,份屬戰略同盟一樣。但呢件事,真正最唔尋常嘅地方,係廣告喺《世界日報》刊登,《世界日報》係隸屬台灣《聯合報》,《聯合報》係深藍報紙,無理由登一份分裂國家嘅廣告,只不過,如果藍營、綠營同有意搞上海獨立嘅派系達成協議就另計,如果上海宣布獨立,藍營重返南京、杭州一帶恢復中華民國,台灣結束中華民國在台灣嘅日子,宣布改名做台灣共和國,再加上香港可以重返英國同歐盟,咁就完全係另一回事嚟。當然,如果咁玩,即係中國可能爆發內戰,而長三角一帶好可能係克羅地亞級嘅殺戮戰場。只不過,依家上海佬咁玩法,我相信佢地都準備好搞一場Operation Storm嘅物體,或者解放軍軍官如果有上海人都照殺可也,唔會客氣。

而由變態辣椒畫嘅圖,都已經俾咗極大暗示,中國已經沉船,上海必須自保,呢個係東南自保以嚟嘅智慧,所以香港好似杜振豪以流嘅左膠,都係一班賣港賊係咁,仲建設乜嘢民主中國,你保住自己條命先講,李柱銘突然講界限街以南歸英唔係亂講,當然依家就可以拼埋,其實深圳河以南,界限街以北好可能係中華民國放棄主權,換取英國承認上海、台灣、新中華民國等國家,咁就完全係另一回事,邵善波仲以為自己識好多嘢,呢條友依家走唔走得返去美國都成問題。

仲有一樣嘢,呢次支持 上海民族黨 有伊力夏提,佢係維吾爾獨立運動,即係上海獨立應該係尋求咗東突方面嘅支持,係爭在西藏流亡政府仲會唔會維持現有統派態度咁解。總之,大變好清楚,自己睇路。

(澳門?班友自己慢慢做中國人,有事唔好搵葡國佬,最好葡國取消班友嘅國籍算)

發表迴響

你的電子郵件位址並不會被公開。 必要欄位標記為 *