聯合聲明-min

聯合聲明 失效帶嚟只有新界「回歸」可能性

邵善波呢啲左王,不斷重覆 聯合聲明 只有歷史意義,為中共走數辯護,但李柱銘突然提出一個膠觀點級嘅猜想,如果 聯合聲明 失效,好可能係界限街以南歸英國,而界限街以北「回歸」嘅可能性,呢件事會唔會存在,係會嘅。

聯合聲明 並無取代南京條約、北京條約

一直以嚟,除咗我喺膠觀點提及過 聯合聲明 嘅失效問題,無人認真討論過,一旦 聯合聲明 真係無效係點收科,喺李柱銘之前有人正式討論呢件事果個,係叫游蕙禎MP。依家李柱銘講咗個後果,就係界限街以南會獨自返到英國,界限街以北繼續變特別行政區,呢個可能性係存在,因為 聯合聲明 並無聲明《南京條約》同《北京條約》無效,而兩份條約都無烏支勒支條約中關於直布羅陀嘅古怪條款,所以 聯合聲明 一失效結果,就係界限街以南地區立即歸英,係唔會有第二條路可以走,而界限街以北,就端視乎大清帝國,即係界限街以北嘅業主嘅繼承者係乜水。

當然界限街以北問題,膠到無朋友,因為認真去看待大清帝國嘅繼承者問題,依家真正嘅大清帝國繼承者,其實係台北嘅中華民國政府,所以如果界限街以北有人向台北要求獻城,件事會膠到無譜程度。都係果句,成日將 聯合聲明 當歷史文件果啲仆街,係百分百嘅膠人,仲要係膠到無朋友果隻,因為中共喺法理上,根本無任何資格或條件去走數。

如果界限街以北單獨離開,當然好多膠問題,係膠過當年出現柏林圍牆果隻膠,柏林圍牆出現後,切斷S-Bahn以至U-Bahn行車,膠到一個點,都未計機場已經唔喺界限街以南地區嘅情況,隨時唔知點算。所以界限街南北嘅問題將會有乜結果,我都未估到呢個結果,但李柱銘呢位香港天字第一號資深大律師,提供咗一個好唔同嘅視野俾大家考慮,一旦 聯合聲明 失效做成嘅法理問題,係可以係十分之嚴重,甚至係以一場戰爭收場,呢點係中共覺得唔會發生,但我反過嚟認為會發生嘅事。

香港人依家當我呢啲人講嘢係耳邊風,唔緊要,我怕成班難民唔知點投奔怒海果陣,果陣唔好怪我,當初我無提醒呢個問題係要及早面對同埋解決。

3 thoughts on “聯合聲明 失效帶嚟只有新界「回歸」可能性

  1. 可是聯合聲明失效
    所有BNO即時變曬BC
    而且果啲BC包埋新界
    中華民國根本就算收回新界都管唔到BNO/BC人

  2. 如果要照足呢個情景諗,其實機場喺界限街以北,都只不過係「英界」冇機場而已。以前澳門人搭飛機都要先坐大船黎香港架啦,以後就變左你要「出國」先搭到飛機咁解。而機場快線預先登記服務就變埋一地兩檢,搞掂。

發表迴響

你的電子郵件位址並不會被公開。 必要欄位標記為 *