中國貨-min

對付 中國貨 係不懈嘅工作

雖然我喺德國住,成日都會買到德國貨,但你以為唔會中中國貨嘅伏,咁你真係太樂觀,有啲嘢,如果問我點解賣嚟香港,幫補呢度之餘,防範中國貨擴散,保留德國輕工業都係我嘅目標,少一個人買 中國貨 都係一件對人類功德有益嘅事。

中國貨 嘅狡猾存在

好似指甲鉗,我因為唔見咗指甲鉗,所以買過一個,但我買孖人牌,因為喺香港係想買把唔係 中國貨 嘅指甲鉗都難,一係就因為香港鋪租貴到hihi,結果價公都貴到hihi。只不過,呢個還好,至少我知道我買緊德國貨(因為孖人牌商標一定德國製,平啲非德國製一般用單人牌)。只不過,如果你係買化妝筆,成件事就真係同尋寶一樣,無錯,簡直係一場賭博,因為好多係中國製,或者係無寫,但你估到佢係中國製。

喺歐洲,有幾種情況你係買咗中國貨都唔知

1. 好似 C&A, Rossmann 之類公司,喺德文或英文標記無註明產地來源,結果你喺東歐文字版本搵番個產地來源,所以有個字你要識,就係Kitajska或者Kina,佢地嘅意思都係一樣,中國,亦即契丹,你識其他歐洲語文中國國名嘅拼字方法,你少好多機會中咗 中國貨 嘅伏。

2. 德國有一種字眼極具誤導性,就係German Technology,或者German Design,出現呢啲字眼,你有必須搵包裝盒嘅細字,好大機會係 Made in China 或 Herstellung in China,大家要記住,只有寫住 Made in Germany 或 Herstellung in Deutschland 至係德國製造。

3. 最仆街嘅情況,係出現 Made in PRC 或者 Herstellung in PRC 或 Herstellung in Volksrepublik 嘅字樣,Volksrepublik 即係人民共和國,邊個國家咁仆街叫自己人民共和國,梗係中國。PRC,正正係中華人民共和國嘅簡寫。

所以我諗住連化妝掃、眉鉗都帶德國貨返香港,大家用得安心,而且都係果句,少一件中國貨,減少中國外匯收入,本身就係一項功德嚟。
本文配相來源:
https://www.flickr.com/photos/twicepix/5961333988

2 thoughts on “對付 中國貨 係不懈嘅工作

發表迴響

你的電子郵件位址並不會被公開。 必要欄位標記為 *