團結香港基金-min

團結香港基金 仲要亂講到幾時

董建華一家唔知係唔係好缺錢擺入棺材度, 團結香港基金 (做瓜香港基金) ,係咁發膠招,黃元山,一個本來係民主派就變咗叛徒嘅前banker,係咁發膠音,話香港人唔可以羡慕香港組屋大,但唔睇新加坡點填海。大佬,依家新加坡都填海填到連砂都買唔到, 團結香港基金 仲有亂講啲乜?

團結香港基金 講嘢無視南洋政治

新加坡由於無香港維港果種海峽地形,理論上新加坡點填都得,但依家係馬來西亞同印尼都唔再賣海砂俾新加坡,指賣海砂俾新加坡係賣國,點解咁嚴重,因為新加坡係咁填海造陸,填到改變新加坡水域喺國際法上嘅界線,一如中國喺南海搞人工島去claim水域都被人鬧爆一樣,新加坡咁樣填海,對馬來西亞同印尼嚟講,係有入侵之嫌,所以依家新加坡要向柬埔寨、越南去買海砂,果啲環境保護問題,當然引起唔少左膠圍剿,呢個係後話。但可以肯定係, 團結香港基金 果班智障,完全係無研究過新加坡因填海而引發同馬來西亞以至印尼之間關係緊張,如果香港填海可以攞番香港部分水域主權,又得唔得?唔得唔該叫黃元山收聲。

其實香港嘅土地問題,係權貴唔肯放棄自己自私自利嘅利益,特別係新界嘅土地問題,如果香港有機會獨立或歸英,好可能結果係,擁有大量新界農地嘅原居民,以賣港賊為理由被趕走,然後果啲土地以國家安全為理由收番,可以用嚟起公屋、私樓,亦可以重建香港農業,咁樣係唔駛郁粉嶺高爾夫球會嘅地。跟住香港有自主入境政策,停止接收中國移民,以及將中國部分唔效忠香港嘅移民趕返中國,呢個就係好多人對港獨有幢憬嘅理由,因為建設民主中國一樣艱難,但民主中國下唔會解決到香港喺入境政策、土地政策等等諸多問題,但香港獨立或歸英,就會解決香港土地同入境政策問題,唔駛再聽 團結香港基金 一類港奸組織亂講廿四,將明明唔work嘅嘢攞嚟講,董建華講嚟講去,都係想幫啲大地產商謀塊海景地,呢啲無恥諗法,真係唔俾鬧爆就出奇。 團結香港基金 攞南洋抽水前,最好睇一睇,香港好多南洋子弟後代,並唔容你用南洋亂抽水。

發表迴響

你的電子郵件位址並不會被公開。 必要欄位標記為 *