沙中線-會展站-min

沙中線 已成廢線

沙中線 喺土瓜灣站出現沉降問題後,已經好大機會廢線,但依家因會展站沉降問題而宣布停工後,廢線嘅機會已經十分之大,依家係睇點樣收拾呢個由梁振英一手搞出嚟嘅爛攤子。 沙中線 嘅隧道點處理,將會係極大嘅挑戰同難關。

沙中線 會展站係廢線關鍵點原因

啲人質疑點解 沙中線 係會展站有沉降至停工,但土瓜灣站無,當然好核突嘅理由係,商業區啲大孖沙嘅財產同人命堅係重要啲,但香港人亦都好仆街,好多藍屍都係當中下階層人命如無物,所以如果唔係會展站搞到咁大鑊,啲大孖沙或偽中產驚死自己葬身地底唔敢出聲,都唔會停得到 沙中線 嘅工程,甚至經過一輪檢查後,就宣布 沙中線 廢線,之後睇點樣做灌漿工程,將地底嘅隧道同空隙填滿,畢竟出現沉降嘅話,地底任何隧道都應該唔會有任何用途可言,甚至馬頭圍道嘅交通需唔需要分散都成問題,因為一旦突然嚴重地陷,好似新加坡尼誥大道果鋪咁玩法,都咪話唔濕滯,開闢經土瓜灣道嘅交通路線,由公眾安全嘅角度,應該無可避免,會展站一帶啲交通安排,都要另外諗過(甚至未來將軍澳線延線,以及東涌線延線,都應該變咗係無乜可能嘅事,因為會展站係關鍵車站之一,都無乜理由要skip咗會展一帶灣仔北呢個塞車黃金地帶)。

當然, 沙中線 變廢線,對香港交通安排係一個噩夢,本來 沙中線 隧道地點係興建第四條海底隧道嘅黃金地段,依家第四條海隧都唔駛起,我唔知仲有乜嘢方法,可以疏導維港南北兩岸之間嘅交通。但呢個安排,基於公眾安全,都無辦法,因為 沙中線 嘅問題,不單只喺隧道沉降,依家車站月台鋼筋問題,特別人和科技果啲鋼筋,根本係製造危樓,無沉降都有一堆人隨時喺月台果度出事,試問點可能搞得掂至得,我都未見過咁大規模的工程災難,隨時真係衰過柏林新機場,以及古龍市(科隆、Koln)地鐵新線嘅情況,即係成件事解決根本係遙遙無期,甚至喺灌漿後,都唔會有任何可能嘅位置,令 沙中線 嘅工程可以復活得到。

沙中線 廢線係悲劇,因為我相信香港需要 沙中線 ,但我更擔心係中國高鐵,都係果句,果個真係全世界最有可能活埋一堆人嘅工程之一。

2 thoughts on “沙中線 已成廢線

  1. 到最尾!隨時就咁開咗顯徑站就早早收場!俾到䀆樂觀少少去到鑽石山收工

發表迴響

你的電子郵件位址並不會被公開。 必要欄位標記為 *