唐人街-min

點解德國一定要有 唐人街 ?

我好少公開鬧爆蘋果日報,但蘋果日報副刊近排有一個專題,我作為住喺小東京一帶華裔英籍德國居民係高度反感,就係點解德國一定要有 唐人街 。蘋果記者成個專題嘅處理方式,係完全唔明點解 唐人街 臭名遠播嘅原因,十分之有問題。

唐人街 點解無重建

唐人街 喺德國消失,當然多少同納粹德國後嚟同中華民國政府反面有關,只不過,德國一向都唔鍾意少數民族太旗幟鮮明喺當地「插旗行為」,呢種文化侵略行為,土耳其人近年做緊,亦埋下土耳其人喺德國關係緊張其中一條伏線。而二次大戰後,亦無重建 唐人街 ,柏林都無 唐人街 ,同東西德冷戰無關,而係大家心知肚明,世界好多 唐人街 都變成一個藏污納垢嘅地方,點解德國人要容許 唐人街 存在,製造文化以至治安嘅衝突。所以我對蘋果日報副刊嘅奇怪專題十分反感,特別德國無 唐人街 呢個問題,好多時都係中國啲憤青問,根本係一個大中華民族主義分子問嘅問題,而大中華民族主義係一個害人不淺嘅問題,做大中華膠去到呢個程度,我覺得真係十分之夠。

喺德國,比較少見會俾異族文化融入嘅情況,正係喺我住嘅城市Düsseldorf發生,我呢個城市係小東京,而全德國有最好同正宗日本食物,同超級市場,正正係我住呢個城市,當然我揀呢個城市落腳,係因為業務需要,並唔係日本文化有關,但Düsseldorf有好多日本文化有關景點,甚至有日本節,有日本花火(全歐洲唯一有日本花火睇就喺Düsseldorf),因為早期日本人喺Düsseldorf採購,但去到1970年代,Düsseldorf經濟出現因為Ruhr區衰退導致經濟危機果陣,日本人大量投資當地企業,甚至公共建設,令城市由工業向商業轉型,而日本人社區都唔係一街日文招牌咁存在,所以喺德國,係唯一一個小東京。但點小東京都好,Düsseldorf機場同火車站都係無日文,你估好似意大利啲機場咁,入侵到出現殘體字指示牌,我喺意大利睇到真係眼都白埋。

唔該,作為傳媒唔好再傳播累人不淺嘅大中華沙文主義,拜托。

2 thoughts on “點解德國一定要有 唐人街 ?

  1. 其實唐人街或者其他民族聚居一區,是以往種族隔離、大家只能靠自己友支援住埋一齊既結果。依家唔係種族主義,如果你相信自己係cosmopolitan自然就唔需要咁樣分開住。

發表迴響

你的電子郵件位址並不會被公開。 必要欄位標記為 *