梁振英-民族黨

梁振英 嘅9up應到此為止

梁振英 嘅胡說八道,已經去到一個令人髮指嘅地步,佢指民族黨嘅言行喺西方國家應該會被列入黑名單、跟蹤,通訊被竊聽,我唔知佢係唔係指歐盟人權紀錄最惡劣國家之一西班牙(Hi班牙),但民族黨嘅言行,喺正常西方國家,係唔會有事,無人會浪費公帑去跟蹤或竊聽。

梁振英 胡說八道到一個黐線程度

先講英國,英國係唔會竊聽、跟蹤獨立領袖,依家蘇格蘭民族黨喺House of Commons有MP,而且亦係蘇格蘭政府執政黨,我相信MI5食咗豹子膽都唔敢跟蘇格蘭民族黨,由蘇格蘭民族黨呢件事,都已經知道 梁振英 係亂講。就算曾經打算用暴力嘅愛爾蘭共和軍,佢嘅政治組織Sinn Fein簽咗Good Friday Agreeement後,基本上都已經係北愛聯合政府一員,而且Sinn Fein有人直頭係愛爾蘭國會議員,但仲住喺英國控制區,如果Mi5依家試吓跟新芬黨人,我估英國準備日日食炸彈都得,9up係有限度,唔好以為香港人唔熟英國至得。

喺歐陸,真係會被情治機關留意,除咗回教恐怖分子,同主張使用武力嘅無政府主義分子,就係有心危害民主政體嘅人,例如德國新納粹分子,有五毛話德國無言論自由,或言論自由受限制,呢個係黐線,新納粹分子同中共支持者一樣,立心要推翻民主制度,點可能俾佢地有言論自由,任何支持獨裁政體嘅人都唔應該有9up嘅「權利」,誓死保護他人言論自由前提下,唔可以俾扼殺言論自由嘅人大放厥詞,所以我對五毛黨係採取ban無赦政策,德國有憲法保衛局對付各類極端分子,都係呢個原因。所以 梁振英 嘅胡說八道係到此為止,去到依家呢個程度,我認為 梁振英 需唔需要「言論自由」,佢根本唔需要,因為呢個人係立心要其他人收口。

我個人對英國軍情五處有一個由衷嘅建議,就係MI5應該監視 梁振英 一家喺英國嘅一切活動,我十分之有理由相信,一個咁嘅思維嘅人,必定作出有違英國國家安全嘅活動,我認為係時候取消佢全家英國國籍,因為呢個人唔認同英國民主價值並且迫害在港英國人。

發表迴響

你的電子郵件位址並不會被公開。 必要欄位標記為 *