沙中線-煤氣

沙中線 沿線居民係唔係要準備氣爆

沙中線 嘅問題,成堆豆腐渣工程,固然啲人都唔敢搭 沙中線 ,但更大問題係,依家玩沉降玩到危害沿線居民安全係乜玩法, 沙中線 搞到煤氣管沉降,係搞到蘋果日報通知番煤氣公司,煤氣公司至知仲有三條喉管都中沉降,我真係唔知幾時嚟劑高雄氣爆事件。

沙中線 居民自求多福

沉降對煤氣管嘅問題,梗係煤氣管損壞或壓力問題,跟住唔知邊日爆劑勁,一如高雄氣爆都係李長榮集團嘅化學品輸送管失修,跟住大家懵盛盛乜都唔知,一爆就一發不可收拾一樣。問題係,高雄氣爆係當年台灣規劃失當之故,但依家 沙中線 係起果陣已經知有問題,但港鐵故意唔通知相關機構,如果有乜冬瓜豆腐,到時真係你推我,我推你,仲要如果真係嚟真氣爆,以香港嘅人口密度,同埋土瓜灣一帶嘅樓宇結構,真係沒有最勁抽,只有更勁抽,我相信馬頭圍道一旦發生氣爆事件,將會係一場大災難,係唔知係馬頭圍道有汽車或巴士被氣體倒冧,定係有大廈倒塌,定係發生嚴重火警,總之無人會諗到件事有幾災難性,但港鐵依家嘅態度,完全係一副闊佬懶理嘅態度。

所以依家如果 沙中線 引發嘅沉降問題係根本補救唔到,寧願政府提早用市價收樓,只不過,政府肯唔肯用咁多錢唔知,而實際上,果啲租客會否權益受損都係一個問題,因為幾乎可以肯定,唔會有原區安置呢樣嘢會發生,一定係將窮嘅居民送去新界,可能佢地覺得上到公屋都執到,如果政府肯做嘅話,但我睇,政府似乎係想死頂多啲,因為連煤氣公司都可以呃,真係政府立心玩人玩到連盟友都呃嘅地步。

只不過, 沙中線 沿線居民應該追殺一件政棍,政棍中嘅政棍,就係土瓜灣北嘅區議員李慧琼,李慧琼喺2012年至2016年行政會議成員,佢無理由唔知 沙中線 實際上發生緊乜事,依家係有人明顯知情仲要呃居民,依家真係票投民建聯,連屋都炸埋,幾勁抽呀,果啲為咗蛇齋餅糉投民建聯嘅阿婆,應該擺出嚟公審就差唔多,呢啲貪小便宜嘅人簡直累全家,攞去填海都嫌污染環境,但 李慧琼 呢個人係絕不可放過。仲有,如果土瓜灣居民補選仲投民建聯,我建議 沙中線 繼續起算,炸死佢地唔好怨人。(香港真係需要成立懲罰市民黨)

發表迴響

你的電子郵件位址並不會被公開。 必要欄位標記為 *