梁家榮

梁家榮 為黨盡忠敗壞港台名聲

民族黨被取締事件,不單反映梁振英仍掌實權嘅現實,而且越嚟越多人真面目露出嚟, 梁家榮 以廣播處長身份,指直播陳浩天FCC演講有可能宣揚港獨,唔俾直播,聽埋馬逢國呢啲無頭髮仲要Gel頭嘅垃圾黨員訓示, 梁家榮 你都應該可以早抖。

梁家榮 無盡公共廣播責任

相信德國無太多人鍾意 AfD 啲偉論,但德國兩大公共廣播機構,包括德國廣播聯盟(ARD),同德國電視二台(ZDF)都係會播AfD嘅嘢,甚至係Sommerinterview,ZDF一樣會訪問AfD黨魁,最多係同台其他節目以作平衡,呢個係一個獨立公共廣播機構嘅基本原則,除非係去到納粹黨嘅地步,鼓勵以暴力消滅民主以及其他種族,否則無言論唔可以喺公共廣播機構出現。過往香港電台都有俾機會港獨人士講嘢,包括果鋪城市論壇港獨論戰(我對劉夢熊果鋪),點解依家 梁家榮 要咁做,依家咪露晒底, 梁家榮 係黨嘅人,佢喺亞視亂傳江澤民死訊,係收到土共指示,再被人當避孕套咁用,今次亦都係一樣,佢同譚衛兒兩個都係執政黨指示嘅人,TVB新聞部真係出得多呢啲核突之人,無眼睇。

香港電台都唔可以對陳浩天演講webcast,我相信FCC要有特別安排,其他網台或網絡為本機構可以直播陳浩天演講,我依家有理由相信,當日土共政府為咗阻止陳浩天演講直播,會卑鄙到干擾4G通訊,或者要求香港幾間電訊公司,干擾特定人士嘅4G網絡,你估呢啲仆街嘢做唔出,如果陳浩天演講果日,雪廠街一帶4G有乜古靈精怪嘢,我覺得唔出奇,真係搞得唔好,FCC有可能要提供佢地嘅固網寬頻俾新聞機構傳出直播訊號,因為依家有人反港獨反到傻咗,只不過,陳浩天應該多謝 梁家榮 ,佢呢鋪真係變咗人民英雄,但 梁家榮 為黨盡忠,將香港電台多年以嚟嘅名聲徹底敗壞,作為曾經係香港電台嘅主持之一,我感到係十分之失望同無奈。

我順便利一利申,我係香港電台節目顧問團成員,我諗無其他顧問團成員會公開撻朵咁鬧你,你唔續委任都無相干,但都係果句, 梁家榮 ,你做得好核突兼難睇。

發表迴響

你的電子郵件位址並不會被公開。 必要欄位標記為 *