Trump-間諜-min

Trump 指中國留學生都係間諜只不過係常識

Trump 近日宴請美國大企業嘅CEO食飯,啲大企業喺宴會上,聽到 Trump 係咁話一帶一路點衰點衰,跟住 Trump 大鬧中國留學生都係間諜,呢餐飯係好有意義,雖然 Trump 講嘅嘢都只不過係常識嚟。

Trump 將會有重大政策轉變

其實 Trump 呢餐飯,係提醒美國啲大企業,唔好再請中國留學生,而美國對中國留學生態度當係賊嚟處理,不單唔會俾佢地留喺美國,亦唔會有新嘅中國留學生,即係簽證政策大大收緊。其實係好事嚟,因為 Trump 只不過講係常識,中共幾時有放棄過第五縱隊嘅玩法,我當年反對中國留學生嚟台灣,邏輯都係一樣。當然,如果你攞特區護照嘅,就自求多福,都係果句,中國政府俾咗特區護照乜嘢人,有幾多係土共或間諜,大家都心知肚明。

跟住 Trump 狂鬧一帶一路,其實係提醒香港啲懵炳商人,如果你們跟梁振英條仆街搵食,保證仆街,唔駛旨意再去美國,依家美國用IMF嘅影響力,唔俾IMF借錢俾一帶一路沿線國家還錢俾中國,係明顯訊號,Trump係好憎一帶一路,大家諗吓如果你間公司聽梁振英講,係咁落力幫手搞一帶一路,貴公司喺美國將會有乜下場,相信大部分人,仍然要喺美國搵食,特別係商人,你聽梁振英講仆咗街,你覺得梁振英會幫你,你睇梁振英點對劉夢熊同張震遠,你就知一旦你出咗事,梁振英呢啲人只會關人個關,所以你仲話要發掘乜嘢一帶一路商機喎,果啲係萬丈深淵,唔係乜嘢商機,Trump已經講明十分之明,你咁都唔明,就係你閣下愚蠢。

所以投共商人蔡冠深,唱完好大灣區,仲要特區政府澄清香港嘅獨立關貿地區地位,蔡冠深呢啲死仆街咪當 Trump 係傻佬,呢家世界無既保住香港獨立地位,又要做中共隻狗四圍咬人,呢個世界無咁著數,我反而覺得,美國應該認真開file,查吓好似蔡冠深呢啲咁嘅人幫中共做緊啲乜,夠證據嘅,就令到佢喺美國乜都唔駛玩,係送子女去美國讀書都唔駛旨意, Trump 做總統堅好事,雖然佢好口臭,但佢喺中國問題上,只不過係依照常識做人。

發表迴響

你的電子郵件位址並不會被公開。 必要欄位標記為 *