特區護照-min-2

特區護照 喺泰國暫時唔駛享受中國人嘅榮耀

泰國為中國護照持有人整咗個「VIP」Counter,有唔少香港 特區護照 持有人都用呢個counter,但似乎中國外交部自己淆底,指令泰國呢個已經明顯受中國控制嘅國家嘅政府,香港、台灣兩地護照持有人,唔駛行果個counter(但澳門無人理,正常嘅,佢地應該好樂意享受做中國人嘅榮耀)。

特區護照 嘅問題係解決唔到

如果泰國真係要為落地簽證適用國家另設counter,其實駛鬼特別係中國護照,用visa on arrival咪搞掂,緬甸都係咁做之嘛。依家好明顯,中國護照呢個特殊counter,一方面要應付中國大媽大叔們嘅問題,另一方面,中國有人想賊佬試沙煲,暗中將香港人同台灣人撥入中國果度,點知一嘢搞到成棚人去狗衝BNO,屆時HMPO個Server打爆機,屆時中國政府仲有面嘅,所以立即叫泰國,喺護照問題上搞台獨、港獨,表明果個VIP Counter係為中國本土護照嘅人用。visa on arrival,應該係後嚟度出嚟嘅藉口。

但都係果句,香港 特區護照 享受中國人嘅榮耀係遲早問題,一方面 特區護照 唔係以前香港英國屬土公民護照,英國屬土公民護照有 Issuing Code係HKG,同Nationality Code GBD 兩個組合保障,但香港 特區護照 係CHN同CHN,而且好多中國移民混入香港,甚至無住過香港,因為中共高幹關係都有 特區護照 ,咁呢個問題係會揮之不去,第二個國家都會出事,所以薯伯伯條友到今日都唔認為自己有問題,依家泰國就示範一次, 特區護照 就係會令香港人會被當成中國人,有啲人做五毛做到拒絕常識同現實,仲單單打打,我依家公開呼籲杯葛同薯伯伯有關嘅公司,特別Roundtable搞果間旅行社。

當然,澳門人點解無人幫佢地出聲,用葡國護照嘅人,會用葡國護照,同埋澳門人有唔少愛國愛成咁,我呢幾日睇Cloudflare嘅紀錄,簡直開咗眼界,澳門駛鬼 特區護照 ,直接發本中國護照俾澳門人算喇,成班自帶五,唔好用 特區護照 ,最好連葡國護照都唔好要喇,做乜歐洲人,做乜已經沒落帝國嘅居民。

發表迴響

你的電子郵件位址並不會被公開。 必要欄位標記為 *