土瓜灣-沉降

土瓜灣 可能要大規模收地拆樓

沙中線引發嘅問題,似乎沒完沒了, 土瓜灣 發現出現沉降,蘋果報導係沉降問題,可能會引起漏煤氣。但我睇,最終結果唔係漏煤氣咁簡單,而係基於公眾安全為理由,收番晒成個受影響嘅 土瓜灣 樓宇,否則搞唔掂,隨時出人命。

土瓜灣 嘅土質同舊樓都頂唔住

首先,沙中線工程有幾多問題,特別啲鋼筋或土力鞏固有無做足,根本無人知,所以本來 土瓜灣 沿線居民,已經係十分之牙煙,但更牙煙係, 土瓜灣 啲唐樓,仲有當地嘅土質,頂唔頂得住呢個工程呢?有時喺工程搞到一段時間,至發現原來土質唔掂膠咗,新加坡起地鐵都試過尼誥大道倒塌,連埋附近嘅舊樓都要侷住收地拆咗佢,我相信 土瓜灣 情況係,漏得煤氣管,即係隨時會危及樓宇結構,咁收番成個社區重建,幾乎係唯一方法。

土瓜灣 搞到大規模收地拆樓,政府有無諗住找呢筆數?我睇沙中線隨時係一條嚴重虧蝕嘅鐵路,除咗工程補救措施將會十分昂貴外, 土瓜灣 仲有幾多樓宇根本因為頂唔住搞到沉降嚴重要拆咗佢?依家果堆,隨時冰山一角,照依家嘅地價收地,跟住賣單位果陣,應該支爆到一段時間唔會有人買,你話沙中線仲唔蝕到一頸血?所以依家沙中線,已經變成一個極度嚴重嘅公共財政、住房同安全問題,沒完沒了,但梁振英條仆街仲可以繼續亂吹廿四,似乎未有跡象有人送佢入赤柱咁。

只不過, 土瓜灣 爆咗大鑊,你以為大角咀無事,未必,大角咀土質更差,高鐵因為係中共重點工程,所以出埋沙中線咁嘅事,港鐵都唔會俾任何資料外流出去,所以我不單建議各位唔好坐高鐵,免得被活埋,如果你住層樓喺高鐵沿線,特別係隧道沿線,最好都係趁仲有水魚接貨賣咗佢,唔好留住層樓,大家諗吓,沙中線 土瓜灣 都可以搞成咁,你覺得中國高鐵香港段會無事,你真係對港鐵馬時亨治下嘅工程監管質素太有信心,隨時高鐵通咗車死咗人,你變成瓦礫嘅一部分,屆時係連後悔嘅空間都唔會有,所以 土瓜灣 依家嘅危機係警告,我相信西九高鐵沿線嘅業主,應該要諗清楚,究竟好唔好趁仲有人接貨,搬屋搬到安全地方嘅問題喇,因為出咗事就好難挽救。

發表迴響

你的電子郵件位址並不會被公開。 必要欄位標記為 *