貿易戰-min

貿易戰 阿侵決定打鑊甘,大家等核爆

當北戴河會議結果仍然係一個謎果陣, 貿易戰 阿侵已經迅雷不及掩耳,決定要打鑊甘,喺今個月23日,美國要對中國貨額外徵收多一千二百億關稅,呢鋪阿侵決定打鑊甘,我估成個八月到九月,深圳都無嘢好做,大家等睇核爆。

貿易戰 已經打咗

雖然美國貿易代表話8月23日至徵收關稅,但基本上,除非依家所有貨船,都改為喺夏威夷卸貨,否則照依家東方海外嘅船期表,無論用長榮、中遠、達飛定東方海外自己嘅貨船,就算今日出發嘅船,都唔可能趕得切喺8月23日抵達美國關口,所以依家喺船上嘅所有貨,基本上都受關稅影響,如果唔俾關稅就準備退番去中國或掟落海,無其他可以做,你諗吓成件事可以幾大鑊至得,所以基本上,中國工人呢個月已經唔駛再做嘢,因為去美國嘅貨,大部分都唔會到岸。就算好似iPhone一類,只要富士康喺美國嘅廠房搞得掂,其實中國都會玩完,即係咁講,阿侵決定打鑊甘,你呢鋪中國人民就真係十分之甘,其實都同玩完無乜分別㗎喇。

所以點解我特別插入依家呢段時間,即係香港時間六點鐘嘅post,因為 貿易戰 阿侵已經㩒咗核彈,今日香港開市發生乜事無人知,但中國頂唔頂到月底,更加無人知,因為你廠商要交咗貨,仲要到美國,至可能收到錢,我想問依家關稅搞成咁,中國邊度嚟仲有外匯收入,但高官就係咁走資走到傻,其實同大家留名等核爆,已經無乜分別㗎喇,人民幣隨時一開市就食瀉藥,而恆生指數一開市會跌到乜嘢水位,我都唔知。但美國定8月23日呢個期,就十分之心狠手辣就係,因為啲船公司無理由特別為啲中國貨全速前進,依家好多貨櫃船都係以胡志明市或河內市出發,然後喺香港泊岸補給同上多幾個櫃就繼續去,其實中國已經越嚟越無控制力。

你話中國罰番美國六百億有無用,當侵總統做好晒歐、美、俄聯盟果陣,你覺得有用咩,由俄國傳媒批評一帶一路嚟睇,普京隨時係用圍堵中國嚟換取同美國關係緩和,俄國佬係捉棋嘅民族,佢地至唔會同你班中國傻佬講感情,總之都係果句,依家已經係巨變嘅年代,自己保重喇。

發表迴響

你的電子郵件位址並不會被公開。 必要欄位標記為 *