李國章-min

李國章 都賣緊樓,你唔驚?

李國章 係香港排十大嘅仆街,相信大家都唔會反對,只不過,佢作為東亞銀行嘅掌舵人之一,佢喺樓市嘅一舉一動,大家好明顯要關注, 李國章 喺今年6月29日,將兩個太古城單位賣俾海外註冊公司,呢單嘢就唔多簡單。

李國章 知道好多內幕料

啲人話 李國章 係內部交易兩個單位,大佬,邊個信,你會唔會無啦啦攞730萬稅出嚟,將單位控制權由佢本人轉到海外控制公司,喺呢方面一啲稅務利益都無。相信呢單刁,買家係中國啲走資高幹嚟,而 李國章 知嘅內幕消息,係比好多人知得多好多, 李國章 嘅行為並唔係將啲樓法律權利轉嚟轉去,而係寧願快啲走人算數,如果 李國章 暗中恢復英國公民身份,然後靜雞雞辭去行會成員,再返英國都唔會有人覺得奇怪,因為差唔多爆煲。

李國章 係東亞銀行其中一位揸弗人之一,佢應該好清楚支爆嘅實況,東亞銀行喺海南航空問題上,要承受幾大嘅資產風險,如果 東亞銀行 一旦守唔住,要賣俾人又好,要冚都好,佢梗係先將部分資產套現再匯出,而地產可以頂到幾耐,大家心中有數。由於 李國章 係銀行家,佢駛鬼將兩個單位交俾你班只係識打交嘅地產經紀放售,佢可以用佢自己嘅人脈賣咗層樓,香港法律無話一定得地產經紀可以處理樓宇交易,亦可以將層樓嘅問題,交俾 東亞銀行 或李家內部負責地產果啲人, 李國章 始終係old money,佢有人專門幫佢打點地產嘅嘢有乜奇啫。

另一方面, 李國章 係行政會議成員,佢可以接觸好多唔同秘密資料,包括一啲實況,佢睇到啲文件發現有嘢唔妥,唔立即諗計走人就出奇喇,佢既知政府內部好多嘢,佢有廣泛人脈關係,佢有政治判斷力,佢又知金融界好多內幕嘢,加加埋埋,夠晒做決定沽咗太古城兩個揸咗咁多年嘅單位有餘,反正肯定佢係用嚟放租,而唔會攞嚟自己住㗎喇。當 李國章 做咁嘅決定,你覺得香港經濟係唔係十分強勁咁,好多達官貴人都係講嘅一套,做係另一套,信佢地講果套半成都死得人多。所以大家見到 李國章 嘅決定,都應該知道依家已經明顯係出緊事,都係果句,如果你自己唔諗掂佢,無人幫到你。

發表迴響

你的電子郵件位址並不會被公開。 必要欄位標記為 *