P2P微貸-支爆-min

P2P微貸 爆煲:支爆其中一條導火線

近日北京風聲鶴唳, P2P微貸 搞到地鐵站入閘都要搜查,以防 P2P微貸 受害者進軍北京,搞出運動。依家中國全國都出現瓦解徵兆,其實唔難理解,以前呢類騙案,大家都未必會維權到底,但依家呢個形勢之下,實會維權搏一鋪。

P2P微貸 爆煲會有幾大鑊

P2P微貸 如果喺中國經濟好景果陣爆煲,都未必會有大事發生,因為當中國經濟強嘅時候,政府可以俾錢維穩,而 P2P微貸 有能力搵番自己嘅損失,犯不著因金錢損失得罪官府,或者會有幾百人,或近千人維權,但一定唔會大規模,而且好容易用金錢利益逐一擊破,好多土地維權,都出現呢種打擊一小撮,團結一大撮嘅玩法,所以係唔會搞出事。但依家中國政府邊有水賠 P2P微貸 嘅苦主,而苦主亦唔可能用自己嘅能力,或透過其他渠道搵番損失嘅錢,隨時呢筆錢喺佢地眼中就係救命錢,所以呢班友係唔會放過政府,係一定會玩到底,所以呢次 P2P微貸 會造成中國長期嘅緊張,再加上依家高幹子弟自己都搵藉口去鬥習近平,本來形勢係十分之牙煙。

但 P2P微貸 都未係最牙煙,中國果啲影子銀行至係炸彈所在, P2P微貸 其實係影子銀行其中一種,但影子銀行唔單只 P2P微貸 ,仲有地方民間放貸,商業銀行將一啲牙煙業務資產攞去債券化,再搵啲傻仔去接火棒,仲有一啲唔知乜嘢狗屎垃圾借貸機構,分分鐘係有高官包庇,依家嚟個集體爆煲,仲有乜嘢層次嘅人會中招,仲有幾多人會中招,點解支爆會爆爆吓爆到中共政權都冚埋,因為呢啲狗屎垃圾金融借貸一旦大爆發,你真係唔會有乜事會發生,依家 P2P微貸 只係序幕,仲要依家無出口,而IMF亦唔可能借錢俾一帶一路國家還錢俾中共,依家中國無錢到呢個程度,真係爆完可以最爆,然後成班權貴就沽售資產,再經香港匯出去走人,屆時中國剩番一個爛攤子,我真係唔知有乜人同國家有能力,同有興趣去收拾。

果啲仲唱好中國嘅友仔,大家應該小心佢地,有條香港契弟嘅行為大家要留意一吓,喺下一篇文,我會提醒大家要留意邊一個契弟,佢都走,你唔走就真係走得摩。

發表迴響

你的電子郵件位址並不會被公開。 必要欄位標記為 *