特區護照-min-2

特區護照 喺泰國分享緊中國人嘅榮耀

之前我講 特區護照 喺歐盟個資料庫當成中國護照,薯伯伯條友係咁攻擊我,呢啲友仔居然可以喺西藏開咖啡店梗係有原因。只不過,你信薯伯伯呢啲人用 特區護照 ,就準備分享做中國人嘅榮耀,成日抹黑BNO嘅Gotrip,都要報導, 特區護照 持有人要排中國護照專用嘅隊,仲要唔知其他國家會唔會有樣學樣。

特區護照 當成中國護照只不過係基本邏輯

其實我講過n次,如果 特區護照 嘅Issuing Country Code係HKG,或者有自己嘅Nationality Code係HKG,縱使護照都係有中華人民共和國國徽,都未必會當你係中國人,但係 特區護照 唔係用區徽,用國徽,而 特區護照 嘅Issuing Country Code係CHN,Nationality Code都係CHN,我係完全唔知全世界有乜系統,可以特別俾 特區護照 特殊看待,繼承過往BDTC-HK嘅歷史遺產。依家終於泰國走出第一步,要你班 特區護照 用家喺泰國同中國護照排同一條隊,仲要中國壓迫台灣,迫航空公司叫台灣做中國台灣,叫香港做中國香港果陣無反抗,依家咪求仁得仁,抵死有餘,你班友去泰國玩,慢慢同班中國遊客困獸鬥,真係唔好俾我見到薯伯伯條友,自己去呢啲國家,就攞本BNO出嚟咁核突又要做英國人。

依家泰國咁玩法,我睇果啲要去泰國玩嘅人,唔想同班中國大媽喺機場入境關卡困獸鬥嘅方法,就係有資格攞本BC, BNO, 其他西方國家護照果啲,就唔該攞番西方國家護照去泰國玩,唔好再用 特區護照 去泰國,甚至果啲中國遊客多嘅國家,都唔好用 特區護照 ,香港入境處亂咁發 特區護照 ,唔知幾多貪官污吏攞住本 特區護照 ,再加上好多中國移民住咗七年,但習性、衣著等等仍然係果副中國樣,你估外國邊防人員真係分到 特區護照 同中國護照嘅分別,係囉,信薯伯伯,附和薯伯伯果啲,記得去泰國一定要攞 特區護照 ,享受一吓大媽嘅聲音,如果唔習慣呀,去天星碼頭習慣吓班大媽喇,雖然果班喺天星碼頭嘅大媽,根本係青關會啲人渣嚟,目的大家係心知肚明。

發表迴響

你的電子郵件位址並不會被公開。 必要欄位標記為 *