網購-min

只有五毛將 網購 都可以當成水貨

通常香港時間日間,我唔會發文回應五毛啲無理攻擊,但我對澳門人在英國唔會容忍,我依家十分積極確認呢個垃圾五毛page嘅admin身份,我時聞香港都可以起到底,其他嘅我一律會追殺。但五毛啲混淆視聽,特別 網購 當水貨,我係必須回應。

網購 有無報關係關鍵

我一直唔用水貨客嚟形容中國南嚟買奶粉班仆街,我係用走私客,我點解會提限奶令,因為我係做貿易出身,做貿易,無論出入口,只要係有報關,出口同入口兩邊國家都有常規程序,有報關,有交關稅,有報稅,就係合法交易,喺歐洲好多國家,一般零售商係必須要攞到政府批准,因為涉及徵收銷售稅,所以我每一張單都有EU VAT ID,我全部掛號寄香港,所有信封都有CN22報關表格亦係呢個原因,唔係走私就無問題。如果澳門人在英國,就一定做唔到 網購 ,條友唔公開身份,亦唔見得有EU VAT ID,喺德國,無商業登記,無註冊Steuernummer同UsT-IDNr(即係VAT ID)做代購係犯法,喺英國,都係一樣,否則邊個尊重歐盟嘅法律,我仲要每個月交稅表俾政府。當然,我有Steuernummer同UsT-IDNr,我嘅貨源根本唔係啲鋪,而係批發商買,啲批發商全部都知我賣去邊,呢個就係個腦仲喺中國走私漏稅模式嘅五毛唔會明。

而基本上,我係唔會想出口嘢去中國,所以我係連shop.martinoei.com都封晒澳門同中國IP,封澳門係保安因素,都係果句,我確認咗澳門人在英國嘅真身,我會解封澳門IP,但中國係,我根本唔想出口去呢個國家。好多所謂海淘、或去香港買奶粉啲友仔,根本係走私,逃避中國嘅關稅同管制,呢種行為,亦係我提出限奶令,以及後嚟都同意林忌嘅修正方案,即係現行限奶令嘅做法嘅原因。帶奶粉入去中國,根本係唔合法嘅走私行為,由七、八十年代走私冷氣、雪櫃嘅行為係一樣,所以我根本唔會做。但澳門人在英國呢啲五毛,就係混淆視聽,所以我對呢啲五毛及其朋友我會加倍奉還,絕不客氣,五毛以為對住個keyboard幫中共做嘢咁過癮。

發表迴響

你的電子郵件位址並不會被公開。 必要欄位標記為 *