重金屬-Heavy Metal

德國嘅 Heavy Metal 老人家:支持年青人走落去嘅老人

有好多人喺 Facebook 瘋傳,德國有兩個老人家,為咗去 Heavy Metal 盛事 Wacken Open Air,喺老人院走鬼咗,搞到勞動警察送佢地返去,當然,由於全世界啲稿都係抄負責德國北部公共廣播服務嘅 NDR 嘅稿,而NDR嘅稿,實際又抄當地警方Press Release,所以大家都唔係好知乜事。

德國長輩支持個孫玩 Heavy Metal

如果識荷文,可以去呢度自己睇,你就明喺歐洲,老人家支持自己子孫玩 Heavy Metal 好正常,當然荷蘭比起德國係更開放一啲,果段荷文網頁嘅老人家,佢個孫正正係音樂人Afrojack,佢係睇自己個孫玩 Heavy Metal 覺得好鬼enjoy,我相信香港老人家有咁嘅心態嘅,真係無幾個會係咁。

你話德國有無廢老,德國電視台成日攞啲AfD支持者,同廢老嚟恥笑,ZDF Heute-show 成日見到嘅 Hans-Joachim Heist ,喺德國係演廢老嘅專家,當然,佢係一位好專業而且資深嘅喜劇演員,佢係故意恥笑果啲食古不化嘅同年代人。但正正係成個社會,老人家都不言老,不斷保持社會向前步伐,所以咁老做演員都唔緊要,德國有無乜嘢世代之爭,無囉。老人家都有人為咗聽 Heavy Metal 去 Wacken Open Air,有幾可出現好似馮檢基呢啲老人家阻住成個地球轉動。

其實人隨住醫療技術改善,壽命越嚟越長,未必真係要搞到六十歲,七十歲就退休,只不過,如果六十歲、七十歲仍然喺個位度,但拒絕回應時代大勢去進步,咁就唔退休都唔得。好似馬來西亞首相馬哈迪,九十三歲人,但佢係推動馬來西亞政黨輪替,推翻一個貪污政權,咁佢九十三歲做首相有無問題?當然無問題。人係唔係廢老,係睇個腦,如果個腦一早已經僵化到改變唔到,五十歲都嫌果條友老,阻住地球轉。

香港廢老橫行,有啲人未死就已經入鬼咗去棺材度,雖然我都賣防甩頭髮洗頭水,但都係因為德國啲水太硬,人人都用咁解啫。但如果你個人心態咁老態龍鍾,頭髮又多又黑又點,又係廢老一個。Forever Young,其實睇歐洲果堆喺Wacken去睇 Heavy Metal 嘅老人家就明。

發表迴響

你的電子郵件位址並不會被公開。 必要欄位標記為 *