人民幣

人民幣 回穩?啲股評人生仔有無屎忽

雖然 人民幣 離岸價喺中國人民銀行強力干預下,死守6.82水平,但呢個「平靜時期」,係俾啲領導人走佬用,正確做法,係應該開始資本撤退,甚至係買實金實銀(我自己都考慮買實銀嘅問題),但有股評人叫人入返市,我覺得呢啲人十分之無恥,生仔無屎忽。

人民幣 匯價回穩係俾領導走人用

喺貿易戰陰影下,深圳同重慶哀鴻遍野,好多對中國情況最悲觀嘅文章,唔係我呢啲支爆分析家寫,而係中國微信上果啲投資相關公眾號,深圳已經有大堆存貨,重慶根本係唔掂,三四線縣市更加唔好諗,依家正確做法係俾人民幣有秩序貶值再谷出口,同埋接受Trump嘅條件做人,但依家中國係走去托 人民幣 ,咁為邊個托 人民幣 至得,梗係啲貪官污吏,好可能有一批高官走完錢就又跌鑊甘, 人民幣 所謂匯價回穩有X用。所以依家如果有股評人,喺度話可以入市嘅話,呢啲友仔隨時係幫啲貪官出貨,你走去聽佢地老點就真係無人會可憐你,當然呢啲股評人我會點樣形容佢地,就係佢地呢啲人生仔有無屎忽嘅呢,點解可以講嘢咁唔負責任。

其實支爆之前,除咗要將資金調出海外,揸住一定量嘅現金,甚至開始搜購實金同實銀,一旦有事都有呢啲實物金屬保持價值同風險外(呢啲嘢我會喺月費版寫多啲,因為呢啲係要知),仲可能要為自己嘅事業做準備,例如你有無適合嘅學歷或語文能力,確保你一到海外就已經基本上搵到工,你有無生意可以賺到啲硬貨幣,渡過呢個難關,甚至有無諗過學耕田,有事果陣自己種田嚟賺錢呢?呢啲嘢全部都要考慮,因為一旦支爆,我睇唔到喺香港、台灣同中國,仲有乜嘢係可以搵到食,又可以喺海外維持番你依家嘅生活水準,剩係靠一筆錢嚟咬但無收入,呢個始終唔係方法,海外嘅稅制亦唔容許你齋靠炒炒賣賣維持生計,都唔係乜嘢方法嚟。

當然,喺支爆之前,好多人講嘢都係生仔無屎忽,特別啲五毛,而喺海外同澳門嘅五毛黨,就更加之無恥同賤格,都係果句,一旦中國發動乜嘢巨大變動,將呢啲五毛黨送番中國,由得佢地自生自滅就係最好嘅做法,呢啲人要為佢地所做付出代價。

發表迴響

你的電子郵件位址並不會被公開。 必要欄位標記為 *