沙中線-min

沙中線 都係玩完唔駛用

政府就 沙中線 醜聞召開記者會,睇完果啲問題嘅技術細節,基本上, 沙中線 ,不論東西走廊(東西線),以至南北走廊過海隧道,都唔駛旨意落成啟用,因為同危樓無異,要拆過再用無人知幾時得,亦無人咁用。馬時亨唔再續任港鐵主席,大家都知佢已經做咗政府嘅避孕套,用完即棄。

沙中線 明顯係貪污大醜聞

沙中線 啲工程搞到咁核突,好明顯當中有涉及貪污,而且金額絕對唔細,為保住港鐵嘅國際聲譽,係要進行大規模調查,而馬時亨做主席隨時係鑊係佢孭,但裡面有乜事,佢係一概唔知(呢個好符合佢喺政府果陣嘅作風,佢唔係衰呢家嘢第一次),但我對呢個調查做唔做到十分之懷疑,因為呢啲貪污嘢,應該會涉及前政府極高層。而呢位極高層,完全唔在乎香港嘅國際聲譽,你睇FCC陳浩天事件勇猛作風咪明,無錯,梁振英喇。

大家要留意一樣嘢,港鐵 沙中線 工程係2012年動工,果陣已經係梁振英做行政長官嘅年代,基本上, 沙中線 大部分出事位,都喺梁振英及其人馬當政嘅年代,唔怪得搵張炳良呢啲人做運房局局長,勝在夠廢夠賤,依家陳帆作為一個技術官僚要執手尾,面皮幾厚都無用,一切都於事無補。所以清除梁振英係十分之重要,因為你根本唔知呢條友喺政府,食過乜嘢大茶飯,同埋留低啲乜嘢手尾。曾蔭權只不過係cheap(係,堅係好cheap),但梁振英由UGL嘅五千萬開始,你唔知有幾多唔同嘅大茶飯佢食緊,你見佢退任之後仲係好熱衷於推project,又大灣區又一帶一路,講仆街,梁振英真係仆街過曾蔭權十萬八千倍。

所以呢, 沙中線 應該無乜希望通車,就算通咗車都無人敢搭,因為月台嘅結構安全,已經變成咗一個謎,更加唔好講隧道嘅安全,依家成條 沙中線 係變咗一個龐大嘅貪污溫床,係唔會有嘢安全㗎喇。

政府仲趕住高鐵通車,我相信高鐵仲危險,只不過涉及大量高幹利益,以及要喺香港設立租界,所以無人敢爆料,但你想唔想活埋喺地底,現實係高鐵線比 沙中線 更危險, 沙中線 都無人敢搭,就更加唔好講高鐵線,搭高鐵,叫梁振英同董建華兩件仆街日日搭去大灣區先。

發表迴響

你的電子郵件位址並不會被公開。 必要欄位標記為 *