梁振英-FCC-min

梁振英 都係時候仆街

梁振英 過往對住泛民啲對手,慣咗以為信口開河亂講廿四,就可以得到公眾支持,點知呢次遇上FCC嘅外國記者,想恐嚇FCC會收番會所,點知FCC不單企硬,仲反駁話FCC要交成五十五萬租俾政府兼負責維修保養,唔知 梁振英 知唔知自己夠鐘仆街未?

梁振英 唔熟書學人濫用權力

林鄭月娥係一件仆街,大家唔會有異議,但林鄭月娥有一點大家必須要同意,就係佢好熟書,好熟政府公共程序,佢用到啲權好盡,但佢用唔到啲權,佢亦唔會發明啲嘢出嚟監粗用盡佢,例如FCC嘅租契,林鄭月娥就唔會攞嚟做武器,一方面美國佬隨時會攞嚟做《香港政策法》加辣嘅藉口,另一方面,FCC有交租,有負責保養,相反,好多乜乜會,物物會無好似FCC咁負責任交足租,屆時其他權貴可以去乜嘢會,真係個個迫晒入去FCC咩。所以呢次 梁振英 係𤓓到無以倫比,無錯有唔少外籍人士,包括我在內,真係怕政府會收番FCC塊地,但 梁振英 竟然未做研究就攞去恐嚇人,佢真係膠到一個無以倫比嘅程度。

梁振英 之所以北京唔要佢,因為佢只識一味表忠,但對公共程序完全唔熟書,玩程序都玩得樣衰過人,靠一班梁粉好似狗吠咁亂吠一通,依家北京發現林鄭月娥好駛好用好多,呢個就係 梁振英 以後都唔會再喺香港問題上有發言權嘅理由,無錯,依家香港嘅極左政策,我唔信係 梁振英 嘅發明,應該係張曉明呢啲人渣所傑作,但如果講執行極左政策嘅成就,投共嘅公務員會比 梁振英 呢啲一向藐視英治年代各種典章制度嘅人好用好多,所以 梁振英 應該會變成北京嘅政治避孕套,用完一次唔會再用,甚至喺UGL案等問題上,北京會唔會再保 梁振英 都成問題。依家 梁振英 得罪FCC等同同北京喺一帶一路上倒米, 梁振英 一味推銷一帶一路喺中亞細亞呢啲國家,佢唔記得咗,一帶一路嘅終點國其實喺歐洲,亦即係德法英等國,你依家正係得罪呢啲國家嘅記者,仲學人要做帶路黨喎,真係叫 梁振英 收檔吧。所以呢件事,北京應該好放心叫 梁振英 仆街,佢仆咗街應該可以收復部分香港民心嘅,只不過掟咗個避孕套。

發表迴響

你的電子郵件位址並不會被公開。 必要欄位標記為 *