港唔斷戲-min

港唔斷戲 被山寨事件:打擊假用戶開始

中國啲五毛,真係沒有最無恥,只有更無恥,喺有中國人想買走 港唔斷戲 個page,但被admin一口拒絕後,中國人竟然玩乜嘢無賴招數,就係整個山寨版,然後抄鬼晒人地啲內容,做到一模一樣咁樣呃人,真係沒有最無恥,只有更無恥。

港唔斷戲 事件係警告

港唔斷戲 被山寨呢件事,係一個警告,首先,啲中國人係十分之無賴,可以為咗攞你啲traffic無視知識產權,而Facebook嘅intellectual property policy有執行到幾緊我十分之懷疑,好可能係我呢啲本身有公司,以公司身份營運嘅至唔會有事,咁就真係大鑊到爆。因為並唔係每一個page個admin都希望Monetization,並且將營運公司化,特別一啲興趣為本嘅page更加係,雖然我認為以興趣為本嘅page,如果like數壯大到一個規模都必須公司化,唔係為搵銀,係至少抵禦呢啲正無賴嘅襲擊,我當初公司化,都係Facebook德國分公司主動建議嚟,當時我啱啱批咗德國稅局號碼同VAT ID無幾耐。

依家要幫 港唔斷戲 ,其中一件事係舉報果個假貨,假貨果個page係呢個:https://www.facebook.com/港唔斷戲-524170928000178/。而我發現到一樣嘢,假貨係故意設定到唔俾人list佢乜嘢人like,我十分之懷疑果四百幾個like,好多根本係五毛,我相信相關人物嘅資料,係要進一步曝光,令到呢班友邊度都唔駛去,可以見到中共依家係幾不擇手段,甚至我懷疑依家搞山寨果班友,應該係中共有張清單,資助啲內容農場搞手做嘢,然後至搞到咁鬼恐怖嘅啫。

當然,對好多page嚟講,唔好再純粹喺facebook咁出文,一方面無法商業化,你等人買至商業化到就嘥氣,但另一方面,你自己嘅domain同網站,係防止呢啲山寨友仔亂嚟嘅方法,一方面山寨友仔好難攞到domain authority,另一方面,如果Server都山寨,好容易被舉報,同埋domain一定好難山寨,佢地最多留喺騰訊雲、阿里雲呢啲垃圾崗。

都係果句,做page admin係時候要做多少少防禦措施。

發表迴響

你的電子郵件位址並不會被公開。 必要欄位標記為 *