葡萄牙-min

將 葡萄牙 踢出歐盟

葡萄牙 係歐盟一個相對窮嘅成員國,雖然我認為BREXIT後有必要踢走部門澳門華裔葡國公民,以保英國國家安全,但未至於要將 葡萄牙 踢出歐盟,但依家搞到係 葡萄牙 經濟受中國資本操縱,隨時葡籍人士成為歐盟嘅極大威脅,如果 葡萄牙 政府唔做嘢,係應該考慮踢 葡萄牙 出局嘅問題。

葡萄牙 係衰到澳門土生葡人都投共

雖然英國都有唔少白種人投共,甚至大家唔信任外相Jeremy Hunt,只不過,英國白種人總體上仍然係堅持西方價值,但 葡萄牙 係差到土生葡人都可以投共投到面不改容,唔好講其他人,就係講肥媽,肥媽點解可以玩雙重效忠,除咗佢係混血,因為佢老豆係土生葡人,佢個名係Mariam Maria Cordero BIBI,所以中共唔會理佢,甚至覺得呢啲土生葡人好駛好用。 葡萄牙 係一個自己都管唔掂嘅國家,所以澳門管到垃圾咁,因為 葡萄牙 本土都一舊飯咁,當 葡萄牙 政府一味只係歡迎中國資本,但歐洲資本,或其他國家資本買佢資產諸多阻撓,大家會懷疑 葡萄牙 政府係唔係被人完全滲透。另一方面,由於有土生葡人呢樣嘢,你搵個白種人都可以受中共操控,呢個就係點解唔單只要考慮華裔葡國公民可唔可以留英,或留歐嘅問題,而係成個 葡萄牙 踢出歐盟算數,免得成為中國呢個政權入侵歐盟嘅踏腳石。

而澳門葡籍人士,有幾多係顯示佢地歐洲民主嘅支持同效忠,我十分之懷疑,有唔少依家係一手攞住葡國護照,但係做幫中共做白手套嘅勾當,呢樣嘢係令人十分之不安, 葡萄牙 康乃馨革命,雖然建立咗一個左翼政權,結束法西斯統治,但佢同西班牙有一個同樣問題,就係左翼上台以嚟,根本無好好鞏固民主,個國家膠到七八糟,經濟一直搞唔掂,跟住法西斯政權有機可乘,因為法西斯政權可以好不負責任源源不絕提供財政資源同貪污。

當然,踢出 葡萄牙 應該係一個極度麻煩嘅事,短期內唔會做,但如果澳門人唔係效忠西方民主,亦唔願學習葡文同葡國天主教文化,唔該佢地自己放棄葡國護照,否則如果有朝一日,歐洲搞到踢葡萄牙出局,我覺得搞成咁,澳門人嘅投共作為應該要負起相當大嘅負責。

2 thoughts on “將 葡萄牙 踢出歐盟

  1. 唔只肥媽!大撚把!好似歐安利之流投晒共已係公開秘密!數數吓!高天賜絶對係最相對正常澳門土生葡人

  2. “但如果澳門人唔係效忠西方民主,亦唔願學習葡文同葡國天主教文化,唔該佢地自己放棄葡國護照”

    —-> 唔使旨意, 無護照點可以咁易對該國及歐盟成員國進行滲透同破壞.
    —-> 唔使旨意, 無護照點可以咁易對 “該護照之免簽國” (例如 BREXIT 後之英國) 進行滲透同破壞.

發表迴響

你的電子郵件位址並不會被公開。 必要欄位標記為 *