丁蟹-梁振英-min

星期日休息: 梁振英 不斷鬥爭思維

梁振英 雖然佢應該退咗落嚟,但呢個人鬥爭之心嘅旺盛,好似惟恐天下不亂,凡有人講到UGL案,必發律師信,一如一位叫卓澄嘅人,不斷同Facebook Hong KOng Limited聯絡一樣。另一方面,FCC請陳浩天去演講,佢完全唔顧自己身份,走去挑FCC機,佢係中國國家領導人,佢嘅鬥爭言論,根本係損害中國嘅根本利益。只不過, 梁振英 呢啲人唔理,因為佢係毛澤東-丁蟹思維嘅人,佢相信鬥爭,因為係咁,只有鬥到佢入獄,大家至會耳根清靜。

梁振英 丁蟹 毛澤東

梁振英、丁蟹、毛澤東,基本上都係同一類人,就係靠野蠻力量,打倒一切規矩搶奪他人財富,而佢嘅生存,係靠不斷嘅鬥爭,並喺鬥爭中消滅對方肉身,以及搶奪對方財富嚟維持自己,係一種吸血鬼嚟。毛澤東由延安鬥到去北京,戰友都唔放過,佢就消滅鬥爭對手嘅肉身,以及對方政治資本,唔顧後果。丁蟹係先對付丁進新,想搶佢老婆,迫害佢成家,之後再不斷喺股市興風作浪。而梁振英,由鬥唐英年開始,大家都知道佢係透明不斷製造對手嚟生存,大話講得越大越好,佢佢地嘅共同本質。所以你了解丁蟹,你了解毛澤東,不論係虛構人物,定係歷史人物,都好容易搵到呢個人嘅軌跡。

咁要點樣耳根清靜,其實韋家輝喺《大時代》俾咗一個好好嘅答案,對付 梁振英 呢種人,至低限度,係鬥到佢入獄為止,係佢同佢老婆都入獄為止,好似毛澤東咁,毛澤東唔係一個人作惡,係一黨人作惡,毛澤東除咗佢本人,仲有一個叫江青嘅人一齊作惡,林彪算係近代中國比較有現代軍事戰略根柢嘅人,佢甚至諗過重新聯絡喺黃埔軍校年代老校長蔣介石,同江青決一高下都玩佢唔過,就知呢種邪惡集團唔易搞,大時代嘅設定,丁蟹無妻子同佢一齊,得幾個蟹仔,已經係好好,否則劉青雲演嘅方展博根本唔會鬥得過丁蟹。所以 梁振英 咁驚UGL案嘅深層原因,甚至對林卓廷去英國報警咁驚,都係咁解,因為鬥到入獄,係佢最驚,所以佢一早鬥到曾蔭權入獄,千方百計鬥到許仕仁入獄,都係呢個緣故。你必須將毛澤東嘅邪惡思維,同 梁振英 去作一個比較,你至明白對呢個人,以及佢嘅文膽集團嘅對付方法。

依家問題係林鄭月娥根本無決心去消滅 梁振英 勢力,所以至俾呢個人食住。要耳根清靜,當然一個方法係鬥倒 梁振英 嘅後台,我指佢喺中共嘅後台,但另一個方法,可能係真係勾結外國勢力,令香港回復正常,再由一個新政府去處理 梁振英 ,一如最後可以對付納粹黨同日本軍國主義分子者嘅,係美國,唔係德國內部反抗運動,女武神行動最終功敗垂成,德國反抗運動唯一一次成功就係Aktion Rhineland,成班平日清談開嘅反納粹人士個個做帶路黨,引美軍無血解放Dusseldorf,恢復德國民主係美國人同英國人。跟住日本自由民權運動一直無功,最後將自由民權運動理想寫入憲法,都係美國人,果個人叫麥克亞瑟將軍,好多大中華膠聽我呢個講法好唔順耳,咁你自己回顧大清帝國以嚟反抗運動嘅歷史,孫中山唔係勾結日本搞唔搞到革命建立中華民國,毛澤東唔係勾結蘇聯,我信佢有能力做佢嘅皇帝。所以對付 梁振英 呢個人,必須有勾結外國勢力嘅覺悟,並且要同西方講明,呢個一帶一路嘅白手套,係必須去之而後快,跟佢一齊搵食嘅果堆香港專業人士,亦都係一樣,因為毛澤東式思維嘅人,你無第三道路處理佢地,唔係你死,就係佢死,唔會有其他答案。呢個係歷史所總結嘅經驗,亦都係點解我寧願香港日後歸英一段時間嘅原因,因為我唔知政壇上有幾多人同梁振英、毛澤東一樣嘅思維,有呢種思維方式嘅人,一定最終搞到個國家變fail state,係唔會有第二個答案俾到大家嘅。呢個背後嘅深層文化問題,特別同農民文化相關嘅問題,可能留番日後星期日休息果度,再作進一步嘅討論嘞。

如果 梁振英 想鬥過嚟,我嘅答案係,喺西方國家,並無你呢種人放肆嘅空間。但我認為英國政府,要儘快妥善處理UGL案、梁振英家人嘅英國國籍,以及喺英國嘅財產,呢種思維嘅人,係英國國家安全嘅重大威脅,必須認真看待。英國政府對呢種人,不必要再以君子態度應對。

One thought on “星期日休息: 梁振英 不斷鬥爭思維

  1. 此賤賊只以害人渡日, 而不論害人是否利己, 能利己只算可有可無之收獲!
    無法完全理解.

    入獄對此賤賊無用, 因其獄中仍必不斷謀算毒計!
    入獄再加上比入獄更重之重刑, 或可減低此賤賊對社會持續之害!

發表迴響

你的電子郵件位址並不會被公開。 必要欄位標記為 *