糧倉-失火-min

糧倉 失火嘅警告

吉林省近日發生 糧倉 失火,本來 糧倉 火警呢單嘢已經好有問題,打緊貿易戰仲要依家北半球天氣反常成咁,仲話 糧倉 失火,本身已經大鑊。依家有傳係回應糧食清查,所以 糧倉 失火,官方點否認都好,都無人會信呢個政府,適當囤積糧食可能係必要。

點解縱火燒 糧倉

中國電視劇《天下糧倉》有一節係,大清帝國政府要清查各地 糧倉 庫存,有啲地方官擺明平日虧空政府糧食牟利,所以喺清查嘅官嚟之前一把火燒 糧倉 ,然後當晒係意外損失write-off咗果啲貪咗嘅糧,呢種手法,好明顯仲係今日中國官員嘅手法,2019年嘅 糧倉 清查涵唔涵蓋到吉林唔重要,吉林省嘅官員聞到風聲,可能中紀委會嚟巡視就乘風高物燥將 糧倉 燒毀毀滅證據,呢個就係中國國情。如果真係接連大批 糧倉 都燒毀,即係中國官營 糧倉 嘅貪污情況嚴重,中國根本唔夠糧食儲備,一旦貿易戰加天災,輕則惡性通脹,重則饑荒,大家諗吓當出現呢個情況,香港可能會點,唔會周街買唔到嘢食要搞到外國政府干預,都大批中國人好似喪屍咁落嚟香港,屆時真係唔實施《儲備商品條例》,即係限奶令最初我諗果個版本都唔得,《儲備商品條例》就係英國人二次大戰前,要確保香港有足夠食米供應,唔會搞到啲米被中華民國政府或國民買晒,令香港民生大亂而諗出嚟嘅。

所以呢次 糧倉 失火,你信中國政府嘅版本,真係後果十分嚴重,如果你有西方國家護照,你有下一代,你準備向西方國家撤退,未嘗唔係一個合理安排,當你錢無晒(因惡性通脹),有護照都未必走去,亦未必可以捱到撤僑。如果你無西方國家護照,就真係要諗出路,或將平日買嘢模式改變,將儲備糧食,可能儲一個禮拜食嘅,加為儲一個至三個月食嘅,至少基本糧食可以做到呢個水準,咁你或者一旦有乜事仲保得住,因為我估,如果中國貿易戰搞到糧食搞唔掂果陣,好可能北區嘅超級市場會首先大規模失守,例如長期排長龍,或者買極米之類基本糧食都買唔到,所以北區、元朗、屯門果啲朋友,你係要留意 糧倉 失火嘅新聞,我諗實際情況,好可能比大家了解嘅情況更差。

One thought on “糧倉 失火嘅警告

發表迴響

你的電子郵件位址並不會被公開。 必要欄位標記為 *