小熊維尼-習近平-min

小熊維尼 都禁映?習近平傻到一個點

小熊維尼 ,係一個好可愛嘅卡通人物,被人用Winnie the Pooh做花名,應該好開心至係。但習近平似乎唔知吉祥物呢個概念,啲人叫佢做 小熊維尼 ,佢好唔開心,竟然係全國,除咗香港同澳門外,全線禁映,呢件事真係膠到極點。

小熊維尼 被禁反映習近平小器而無知

習近平被人叫 小熊維尼 ,因為佢同奧巴馬行埋一齊果陣,好似 小熊維尼 同跳跳虎咁,因而得名。其實好多人都會將自己代入啲卡通人物,正如我個鴨嘴形象,其實係同JR西日本嘅車飛吉祥物ICOCA有關。(無錯,以大懵聞名嘅ICOCA)。 小熊維尼 代入習近平,我懷疑最初有人係想擦習近平嘅鞋,畢竟呢個有助佢喺西方以至中國建立正面形象,我相信同樣情況,發生喺普京身上,普京會識玩過佢十倍,甚至即批聖彼得堡迪士尼樂園,整個同佢本人有密切關係嘅園區(之後迪士尼被西方鬧到飛起)。如果係習近平,亦唔要求喺上海迪士尼整個 小熊維尼 園區,並且由佢老人家親自主持動工儀式,開幕果陣佢嚟剪綵,睇落好好。

依家禁映 小熊維尼 ,一係反映習近平小器而無知,不單唔玩得,係連公關基本功都唔知,唔怪得可以縱容好似梁振英咁嘅仆街,喺FCC請陳浩天果單嘢度亂講廿四,完全唔顧政協副主席嘅身份。一係反映習近平根本控制唔到佢下面啲人,佢下面啲人明玩佢同中共,係咁暴走而根本控制唔到,呢個可能性都存在,因為我睇到習近平依家好似下面無佢啲人,一個無手無腳嘅領導人,點發佢嘅Kaiser夢呢?神聖羅馬帝國得個名,都至少奧地利帝國係由Kaiser本人控制到先。依家Kaiser Xi有幾多人係咁本人控制到,政令係唔係出到新華門,我基本上十分之懷疑,依家就睇 小熊維尼 近乎全中國禁映呢件事,係習近平自己嘅柯打,定係下面啲友仔明跣習近平一鑊。

但可以肯定嘅係,中國嘅粗暴形象係一百年都唔會改到,因為中國呢個國家嘅人,就算有權都無所謂公關、公共形象嘅概念,只有絕對嘅權力同暴力。係中國人想做到普京呢個級數,我睇落都似係唔多可能嘅一件事嚟嘅。

One thought on “小熊維尼 都禁映?習近平傻到一個點

發表迴響

你的電子郵件位址並不會被公開。 必要欄位標記為 *