加息-min

加息 開始:歐元區銀行都開始搶錢

英倫銀行突然 加息 ,好多人開始意識到各國開始爭奪資金嘅問題,本來全世界對 加息 最無感,應該係歐元區,因為利息呢家嘢,好似喺歐元區無存在過好長嘅時間,但依家連德國嘅銀行,都用1.1%息口,吸引啲人將錢存入Spargeld戶口,你就知 加息 周期已經返咗嚟。

加息 遊戲開始咗

喺德國,Spargeld、Tagesgeld呢類戶口,都係指儲蓄戶口,喺德國,儲蓄戶口一般係要侷存三個月,最低0.5EUR就開得,係有息,但息口好低,近乎零,所以Spargeld戶口,依家一般反而係用嚟勒住自己咪亂咁駛錢用,唔係真係有乜收息功能。但依家大如Postbank,都推出Spargeld存入優惠,總之你肯入錢擺喺Spargeld戶口,最多去到50000歐羅,就有1.1厘年息收,我當你1000歐羅,都係11歐羅年息收,當然,呢個只不過係開始,唔係結束。你Postbank係Deutsche Bank旗下,如果連德意志銀行喺德國本土都玩呢啲,大家諗吓,歐元區係唔係準備要 加息 嘅問題,銀行先下手為強,先吸納咗一啲資金入嚟先。

大家要留意,喺英國未bREXIT前,EU居民仍然可以喺英國開銀行戶口,所以歐洲銀行,一定考慮英國銀行開壞市,走去加息搶錢嘅問題,依家英國銀行普遍對英國人(包括BNO,BC)提供1.5厘年息嘅儲蓄戶口,我講緊係Instant Access,可以隨時攞錢走果啲戶口,如果Fixed果啲息口去到2厘,扣除BREXIT風險都可能有賺,歐洲人走去英國開戶口係有可能,德國有啲人都會咁做(德國人好收息夠穩陣,德國人嘅投資心態保守如阿婆),所以德國銀行依家都應機,你諗吓其他銀行會唔會都陸續應機,呢樣嘢大家都唔講自己都明。

所以仲話供樓喎,依家全世界好快進入加息潮,清晒啲有息嘅貸款,有現金就存入安全有息收嘅國家好過喇,香港依家呢個形勢,我只能講堅係危機四伏,你仲供樓嘅,我依家先祝你好運嘞,呢啲嘢咪話我唔警告你先,睇清全球大勢先喇。

發表迴響

你的電子郵件位址並不會被公開。 必要欄位標記為 *