恆生-min

恆生 亂咁取消戶口唔駛俾理由

近日有一件事,對讀者造成困擾,我覺得有啲唔好意思,就係 恆生 銀行我個戶口係無任何信件解釋下被取消,係唔係同我7月28日丙完 恆生 有人玩嘢,我不得而知,如果大家有乜錢要入,請移步去花旗啲櫃員機(花旗櫃員機10, 20都收嘅)。但 恆生 呢種無透明度嘅做法,反映香港銀行服務水平同國際金融中心好有距離。

恆生 做嘢解釋歐盟點解銀行戶口係人權

喺歐洲,唔會有銀行好似 恆生 HSBC HK咁,可以亂咁用行政理由唔同人開戶口,或唔俾開戶口,喺歐洲,銀行戶口係居民基本權利,只要你係歐盟公民,就有權喺歐盟國家至少開一個Current account,否則啲人唔駛做生意,做freelance,金管局唔學歐盟咁,重申持香港永久居民身份證都有權喺香港開一個基本戶口,呢個根本係金管局失職。香港銀行好多服務水平,都只能用一個膠字嚟形容,而搞成咁嘅原因,同陳德霖呢個不學無術嘅友仔有關,我好簡單,你怕被人告洗黑錢你嘅事,但無理由一個平民百姓開一個戶口,可以隨便被人亂取消。

當然,我相信我個 恆生 戶口被取消,係同政治有關, 恆生 高層有乜梁粉大家心照,呢個唔駛解釋,梁振英呢條友除咗啲小動作,仲識啲乜,但另一方面,亦可能同我有德國稅務號碼有關,因為我一報CRS,就立即將我個戶口取消,我同樣有報花旗CRS,依家個戶口仲好好用,我想問, 恆生 唔係一個國際大銀行集團旗下銀行咩,點解咁怕啲存戶擁有歐洲嘅稅務檔案號碼,香港本來就係全球化大都會,呢種做法係極有問題。(雖然我喺HSBC UK都開緊戶,如果HSBC UK嘅讀者,可以考慮轉去我HSBC UK或Natwest嘅戶口)。

老實講,香港真係最有洗黑錢問題,就係中國公民喺香港設立嘅戶口,點解香港嘅銀行,從來唔對呢啲人戶口採取行動,因為佢地全部都係中共貪官,如果西方國家真係要反洗黑錢,我認為應該要求呢啲大銀行集團,交出所有中國公民擁有嘅戶口資料,屆時我留名食花生,呢啲銀行嘅高層有幾多要被人拉,同埋要交幾多罰款。

2 thoughts on “恆生 亂咁取消戶口唔駛俾理由

發表迴響

你的電子郵件位址並不會被公開。 必要欄位標記為 *