中國鐵塔-min

中國鐵塔 被人告緊都唔駛披露?李小加早抖喇

李小加 呢個人搞到香港股市污煙瘴氣,唔係第一單,只不過,依家搞到新上市公司正式買賣前被人告緊,仲乜都唔做,簡直係奇聞。 中國鐵塔 被人告侵犯專利,明知有官司在手都可以唔駛披露,李小加真係搞緊乜鬼。香港股市真係被李小加搞到仲衰過賭場。

中國鐵塔 衰唔係細官司

根據PCCW NOW新聞獨家報導, 中國鐵塔 呢次唔係衰一般官司,係 中國鐵塔 用咗國家專利局批咗嘅專利設計無問過人批准,亦無俾過錢,依家原訴人入稟咗法院,立咗案,而且係大規模侵犯知識產權,雖然中國係無法治嘅,以 中國鐵塔 嘅後台,應該告人果條友,好快原告變被告,然後監都坐埋,但點都知,依家係有咗立咗案嘅官司,係必須披露,等投資者自己評估玩唔玩落去,依家可以港交所同中證監當無事發生,你班友無嘢嘛,呢啲已經去到有人嚴重失職嘅程度,其實係應該炒咗佢。

李小加 呢個人根本係應該被趕出港交所,如果唔係港交所大股東係香港政府,香港政府由一班仆街把持,根本唔會俾呢條友繼續做落去,由勁假時段,同股不同權,到呢單嘢,大家可以睇到李小加為咗執政政治任務,同埋幫佢啲中國老友搵銀,無所不用其極,完全係漠視投資者利益,所以我係無投資過香港股市,香港強積金我撤走晒,我覺得係正確決定,因為無必要讓李小加呢類仆街,而我仲要喺德國承擔不必要嘅稅務責任,依家德國係行全球徵稅嘅國家。

當然,我睇唔到港府會趕走李小加,而泛民班友對經濟呢啲嘢既唔上心,亦認識唔夠,其實泛民議員係要對李小加嘅任命作出質疑,只不過連全民退保都可以支持嘅智障,你點會奢求呢班友係識金融市場。 中國鐵塔 呢隻股票,依家變咗中國托搭,喺中國金融形勢之下,再加上IPO前無做好披露,呢隻股票真係生人勿近,最好呢次IPO取消並且退番錢俾投資者,如果真係IPO取消,退番嚟嘅錢最好都係用嚟改持美金、歐元或英鎊現金。當然,如果你有英國銀行戶口,或者可以考慮存入一啲有息收嘅英國銀行戶口,英鎊息口唔錯嘅,好過喺香港係咁食驚風散,特別對住李小加呢啲人。

One thought on “中國鐵塔 被人告緊都唔駛披露?李小加早抖喇

  1. 這些就是中共的所謂”愛國無罪,做反有理”的無限擴大板, 這個”罪”字擴大到虧空,詐騙,侵權,搶劫,強姦,殺人(如屍君龍事件)等, 只要你說聲我是愛國的不好治我罪.所有罪得到饒恕.如唐琳玲事件,這樣的國家何來有公義? 如何有進步? 想要成為文明國家? 再要300年啦! 要3代人! 這些事件人家看到你可以禁做,我又照樣禁做, 由受害者要變成加害者去害其他人, 長久下去法律變成無物. 即你現時在香港見到的現象, 在國內受壓迫的到了香港反而壓迫他人, 這是反社會心理現象, 到最後權力最大的取勝, 所以香港的土共要爬高D位, 高位就有發言權, 他們也再不相信法律了. 大陸的社會形成講來講去都是政治制度問題.

發表迴響

你的電子郵件位址並不會被公開。 必要欄位標記為 *