小巴牌-銀行-min

小巴牌 資產會唔會變陰司紙

近日銀行界有人問我 小巴牌 資產點收科嘅問題,大家都知道 小巴牌 根本唔值果個錢,但係成棚車主係按炒返嚟嘅市價去買車同買牌,依家如果成堆車斷供,民生可能班次因此大受影響,而 小巴牌 資產變唔變陰司紙,呢個先係問題。

小巴牌 有可能變陰司紙㗎

小巴牌 有樣嘢比旅遊巴牌好,旅遊巴牌一default就係因為非法資產交易,就一仙都無,所以有車行無良到叫小投資者投資旅遊巴牌,呢個行為果啲車行,簡直係應該公開譴責,要黐線去第二度。但 小巴牌 會唔會變一個cash cow,咪未來提供源源不絕嘅收入?如果政府唔改變路線政策,你覺得有提供到現金,結果無現金流入,投資者無興趣,牌價跌之餘無人抵押到錢去投資升級啲車。好似低地台小巴,當然Optare果架係膠嘅,買果個係傻嘅,但其他牌子似樣都要成百萬,如果政府唔改路線政策,唔做廿座,你搵邊個投資?搵新城九做?佢地無咁靈活喎,結果蝕錢收起晒啲車(因為架架都中型巴士出),然後好多線好似歐洲咁等成個鐘至一班,香港呢啲天氣,你成個鐘一班,不如Uber算?只係巴膠,至以為巴士是無敵的,好彩香港公共交通政策唔係巴膠主導。所以政府如果政策唔改,又唔收番晒啲 小巴牌 ,係會變陰司紙,變咗陰司紙又邊個受害,除咗市民無車搭,咪係銀行囉,乜搞到銀行好多呆壞帳呢家嘢,又好好玩咩?

至於上市公司,果啲銀行股大家固然避咗佢,但揸住公共交通股果啲,好似進智公交你都小心啲。無錯,進智公交hold牌唔多,甚至有可能買到啲平牌返嚟,條數有機會化吓妝,但係大股東攞手成手牌要抬錢補住個按揭,靠乜嘢籌咁多現金,又係掟進智啲股票出街,股價因有人拋售而跌,都咪話唔喊得一句句,俾著我就離場算數。而手頭上持有唔少唔轉讓得嘅旅遊巴牌果啲,其實佢地嘅資產值係要用一個合理公式估過晒,因為旅遊巴牌係無得出讓,我想問依家啲估值,邊個石頭爆出嚟。

如果政府想拖延由運輸業界搞到銀行爆廠嘅時間,短期咪調整鐵路為主嘅交通政策,長期咪同銀行,以及各營辦商傾個可行方案出嚟。只不過我怕,政府高層好多都仲係懵盛盛,以為天下仲好太平。

發表迴響

你的電子郵件位址並不會被公開。 必要欄位標記為 *