影音使團-min

影音使團 點解會玩到財困收場

影音使團 呢個名,好多人聽到已經憎到爆廠,只不過,最近有單花生嘢,令好多人覺得呢個世界仲係有公義公理,就係 影音使團 財困,依家要搞到代禱求神蹟去籌旗,只不過 影音使團 搞到咁大鑊,都係自己攞嚟,呢鋪有人以為開大條數可以捐款源源不絕,真係結果玩死自己。

影音使團 點解出事

首先, 影音使團 一直以嚟節目老套,真係教育電視都好睇過佢。傳教唔一定要悶死人,大家睇日本好hit果套《工作細胞》,果套簡直係教育電視嘅經典,保證對身體唔同細胞嘅工作範圍有深入認識,成班專業或資深傳媒人出身嘅人,製造啲 影音使團 創世頻道果啲垃圾內容,如果係低成本製作就算,但高成本製作都係咁,你班友唔執笠就真係無天理,呢啲用耶L嘅講法,你係班友未有用神賦予你嘅專業技能去傳好福音,你班友足以返去早抖有突。

跟住,成個策略錯誤係關鍵,竟然為咗MyTV Super果檔垃圾嘢,不惜喺鴻圖道1號租office,請成100人搞壇咁嘅嘢,朋友,你班友個腦有無問題。首先,唔應該喺CCTVB MyTV Super 果啲浪費時間,果個係一個無人理佢嘅機頂盒,你葉家寶呢個前亞視人,同李寶安呢個前亞視人一齊癲,唔搭沉船就出奇,仲要本來CCTVB個朵已經臭到無倫,你話係唔係抵 影音使團 死,再加上 影音使團 班友投共,而且不合理咁反同、自認道德L嘅立場,你想你個台有捐錢俾你,真係識開玩笑,你班友問中聯辦開數攞錢好過喇,或者可以考慮透過梁美芬攞錢嘅,如果你居然信一個投共嘅人係真教徒嘅話。

如果有心傳教,真係唔駛 影音使團 駛咁多錢,或者可能都可以搞咁出錢,但做啲有意義好多嘅嘢,香港教會呢幾年,政治立場、重大平權事件立場,以至內部運作啲嘢,都係好令人覺得呢班友,究竟係唔係傳緊教,定幫緊共產黨呢班無神論者,消滅十字架嘅友仔喺度搞反傳教,定係另一啲嘢。只不過可以肯定係, 影音使團 係唔會有神跡,我唔認為乜嘢代禱,可以拯救一班唔知自己做緊乜嘅人,唔該佢地自己反省一吓自己做緊乜先,呢單嘢大家只會食花生。

發表迴響

你的電子郵件位址並不會被公開。 必要欄位標記為 *