四電一腦-min

四電一腦 ?搞掂電器品質至學人搞WEEE

香港政府喺無配套情況下,搞 四電一腦 徵費,變成各大電器鋪乘機搶錢加價,沒有最膠,只有更膠。雖然歐洲都有WEEE徵費,只不過,歐盟 四電一腦 以至電器回收有一個前提,香港政府一啲都無做,就係電器保養,呢部分搞唔掂,政府搞係擾民政策。

四電一腦 唔耐用有鬼用

喺歐洲,所有電器都係兩年保養,無錯,兩年,亦由於歐盟係要求電器兩年保養,唔存在啲人用用吓亂將電器攞去堆填嘅問題,好多時有好活躍嘅二手電器市場,因為各廠商出口去歐盟啲電器都係比較耐用。好似我部Samsung Xpress M2070W,呢架影印機兼printer係我入嚟歐洲買第一件電器,好簡單,初嚟歐洲做生意,大把文件要你填,依家印咗5000張左右,一年多啲運作良好,香港?我以往用果啲平價鐳射打印機,用到3000張,一年以上已經偷笑,唔好同我講乜嘢香港天氣潮濕,香港好多人長開冷氣。你無兩年保養嘅規定,啲公司為咗賺錢,點會做耐用嘅嘢俾你,啲零件到裝配就完全唔係路,梗係成街都係電子垃圾,年年都走去買printer咁麻煩,件事就係咁簡單。

所以 四電一腦 呢個政策,喺去年七月我反對,我已經認為呢項政策係黐線,我住喺德國成年後,我更認為呢項政策係黐線,如果搞唔掂電器保養問題,學乜人講 四電一腦 ?我喺德國嘅經驗係,除咗飛利浦(無錯,飛利浦,飛利浦啲電器瓜柴率極高,好易一年就陣亡),以及水煲(因為德國啲水硬,但德國係一換一咁處理問題),其他電器大部分都可以一年裡面唔會壞,運作良好。呢個就係要搞WEEE嘅必須基礎,如果香港所有電器都兩年保養,咁我覺得搞 四電一腦 回收徵費仲有少少道理。

只不過,如果 四電一腦 強制兩年保養,我睇香港各大電器代理商應該好唔得閒,唔係香港人嘅問題,係成堆中國人衝落嚟香港買電器,然後修理電器又送返嚟香港做,屆時真係跳海都唔得掂,香港面對鄰近一個膠到呢個水平嘅國家,真入好多時一啲合情合理嘅政策都唔知點推,因為中國人濫用政策漏洞嘅能力,中國敢認第一都無人敢認第二。

發表迴響

你的電子郵件位址並不會被公開。 必要欄位標記為 *