旱災-min

旱災 下中國更打唔起貿易戰

今年歐洲又熱又旱,西班牙溫度去到唔係人住嘅48度,你以為歐洲同日本嘅酷熱天氣同你無關? 旱災 咁玩法,中國更打唔起貿易戰,基本上,依照中國依家糧食依賴入口嘅情況,歐洲 旱災 導致農作物失收嘅結果係,中國向美國徵收重關稅係自己玩殘自己。

旱災 與糧食供應

無錯,歐洲熱起嚟都係有佢難頂地方,歐洲啲新聞,幾日前仲講熱浪點難頂,但呢一兩日,已經係講緊 Landwirtschaft (德文嘅農業) 嘅問題,因為咁又熱又乾,好多樹已經提早枯黃,落葉仲勁過秋天,但更大鑊係,農作物失收,我都講過,唔係乜嘢農作物都可以用溫室種,至少小麥一定唔係,依家小麥失收唔只啤酒貴,而係好大機會,歐洲、美國、日本等地,都可能農業產量無以往咁寛裕,結果一定係出口到中國嘅農作物大減,兼且價錢勁貴。呢幾日小麥、粟米等期貨市場係咁升,正正反映呢個天氣預期,就係天氣太熱,唔可以喺溫室種嘅農作物失數,結果一定係貨價升,依家期貨升10%,大家諗吓期貨升完10%,再加中國關稅,你諗吓唔玩出惡性通脹就出奇,仲要依家中國隨時可能已經係濫發銀紙,買農作物又流失更多外匯,你話呢種情況,你唔驚就係假。德國新聞成日講 Landwirtschaft,我呢個德文超級有限公司,聽完都知事已出。

當然,有人話可以大量向俄國買,但中國向俄國買有一個好大問題,就係俄國小麥主要產區其實喺歐洲果邊,而俄國嘅海運基建根本應付唔到出口中國嘅需求,而俄國依家被美國佬斷出口天然氣去歐盟嘅金流下,一定係想先將小麥出口到歐盟先,當然俄國實面對烏克蘭嘅競爭,只不過,普京至少係一定先考慮歐洲,咁遠水唔救到近火,中國可以點呢?況且,全世界都喺度搶緊小麥,或者其他榖物,中國自己為炒地產唔搞好農業,依家咪一鑊泡。

所以中國好快會有惡性通脹,呢個冬天都應該係一個好惡頂嘅冬天,其實依家遠東大亂之勢已經成事,雖然我喺歐洲,但我睇農業反而仲多過喺香港,由農業睇世界,有時可以睇到啲關鍵嘢,而 旱災 將會係一場風暴嘅開始。

One thought on “旱災 下中國更打唔起貿易戰

發表迴響

你的電子郵件位址並不會被公開。 必要欄位標記為 *