學生獨立聯盟

學生獨立聯盟 會否觸及難民底線

喺民族黨未知會唔會被取締果陣, 學生獨立聯盟 依家被傳係下一個被取締組織,甚至我相信此外一開,有更多組織會被取締。我唔知香港政府班友個腦用乜嚟諗嘢,但 學生獨立聯盟 都取締埋,我相信嚟自香港尋求政治庇護嘅人會急升。

學生獨立聯盟 爭取獨立係言論自由

一般獨裁者講到自己係威係勢,但一遇上異見,就即刻變晒尼馬,依家情況正正係咁,中國唔係無堅不摧嘅咩,點解要驚民族黨、 香港獨立聯盟 呢啲組織去爭取香港獨立,唔係中英聯合聲明好得到民心嘅咩。喺國際嚟講,爭取獨立,只要唔涉恐怖活動都係公認嘅言論自由,所以依家一旦取締民族黨同 學生獨立聯盟 事成,情況就會出現係你係法輪功,或中國地下教會教眾,西方國家好難唔俾你難民資格嘅情況。更何況,中國有啲人果啲政治或宗教認同都可以係作,但香港果啲比較難係作,其實喺Facebook或Instagram嘅資料,好容易睇到果個人係唔係真係參與果啲活動,所以我話西方國家將會面對大量嘅難民潮,就肯定。

西方國家點消化呢啲難民,我唔打算喺免費版講,雖然我ban晒中國IP,以及ban咗百度,但部分搵飯食不擇手段嘅五毛,仍然會透過佢地喺西方國家潛伏嘅人,以及VPN睇到呢度,我無謂教精啲賊。只不過,當有明顯嘅取締跡象果陣,西方國家介入香港嘅程度只會越嚟越深,而英國外相Jeremy Hunt其實亦開始有必要睇香港問題,因為一旦出現大量難民,其他西方國家政府一定送晒俾英國消化,中英聯合聲明呢鑊蘇州屎,係英國搞出嚟,叫其他西方百分百消化你搞出嚟嘅嘢,基本上無乜可能嘅,所以如果日後英國越嚟越大聲,唔係大發慈悲,而係現實情況無得唔出手。同埋收容難民呢啲人情要還,如果香港人大批係俾歐洲國家收容,你覺得英國日後喺中東難民問題上,仲有無發言權?今日中東搞到一鑊泡,多少都有英法兩國份,但法國收容難民本身係無怨言,你英國就走數成習慣,咁樣係唔得,所以英國自己搞掂香港問題,總好過日後要食一堆難溝通好多嘅友仔,呢個睇英國朝野有幾多政治智慧。

發表迴響

你的電子郵件位址並不會被公開。 必要欄位標記為 *