中美貿易戰-你大我-貿易戰

貿易戰 Trump再加碼:唔支爆就有鬼

貿易戰 依家似乎變成一場全世界圍抽中國一個嘅戰爭,喺美國陸續同日本、加拿大、墨西哥甚至歐盟有協議或有共識之際, Trump打算 貿易戰 再加碼,再向中國產品加徵關稅,應該好快會公布,若然係咁,中國過唔過到中秋我都好成疑問。

貿易戰 Trump點解加碼?

其實Trump對 貿易戰 加碼,呢度係一早估到,一方面北韓又喺度搞導彈,明當Trump係傻佬,相信北韓俾咗唔少料顯示,果啲導彈隨時係中國迫佢做,咁就真係大件事,若然你係Trump,你唔報復?所以Trump一向無指責北韓,但突然喺關稅度再出辣招,慌你中國唔死,亦都係呢個原因,中國以為可以耍Trump係一啲代價都唔駛俾,以為北韓可以攞嚟咁用,做埋啲中國唔方便做嘅嘢,呢個世界邊有咁著數至得。

另一方面,由中國嘅金融狀況嚟睇,睇嚟都支爆爆得差唔多,只要截斷水源就係決定性一擊,中國乜嘢都唔駛玩落去,所以Trump喺 貿易戰 上加碼得更快,基本上,依家剩番中國仲未喺自由貿易問題上屈服,服從番世界嘅遊戲規則,喺俄佬好大機會選擇食花生嘅情況下,Trump喺 貿易戰 上度係點加碼都得,基本上都無人可以阻到佢點玩,反正歐盟、日本、加拿大等企埋美國果邊,我相信英國喺BREXIT壓力下,亦會選擇喺美國果邊,中國基本上係無盟友可言,睇幾時因為外匯收入進一步收緊,因無水入而加速債務問題乾燒,人民幣變陰司紙。

有人問如果中國拋售美債點算,其實中國手上嘅美債,日本、歐盟等國係可以消化,基本上,只要日、歐、加、澳、新肯合作,其實中國手上嘅美債大把國家肯接貨,特別美國經濟向好,美元轉強情況下,買美債再變成儲備資產,反而令對美元匯率更穩定,所以中國人恐嚇話拋售美債,打吓飛機或者得,但你想攞嚟嚇侵總統就無乜可能,特別日本有大量海外資產,以及有鋪買債癮,所以中國手上仲有乜牌,我十分之懷疑,如果中共唔做死狗跟番世界規則,嚟一個貿易版嘅八國聯軍之役果陣,基本上1978年以嚟嘅所有成就將會化為烏有,呢個係中國人自己攞嚟。

One thought on “貿易戰 Trump再加碼:唔支爆就有鬼

  1. 拋美債不嬲只係用黎拋既講法。如果拋出黎大把人接自然冇影響,如果拋出黎冇人接,美債價格大跌,到時中共自己儲備先冇左一大截。完全係七傷拳既玩法,中共鬧侵侵玩貿易戰「傷己害人」既口吻全部可以奉還。

發表迴響

你的電子郵件位址並不會被公開。 必要欄位標記為 *