優才計劃-黃牛飛-min

優才計劃 變黃牛計劃

黃子華棟篤笑今年最後一場,其實我依家明白點解黃子華要收山,因為現實情節比黃子華啲電影仲似Cult片,警方捉喺紅館劏黃牛黨嘅黃牛,竟然係 優才計劃 引入嚟移民香港嘅人, 優才計劃 變咗黃牛計劃,呢啲情節真係黃子華都諗唔出。

優才計劃 點解變咗黃牛計劃

如果唔係呢次 優才計劃 嘅所謂優才變黃牛黨事件,香港人都唔知原來 優才計劃 係咁樣被濫用,同埋依家就知點解香港啲IT人點解咁淒慘。呢個淪為黃牛黨嘅 優才計劃 輸入人士,本來係網絡工程師,月薪兩萬五,依家香港搵唔到食,喺深圳做同類嘅嘢兼且兼職做黃牛黨。

優才計劃 如果喺英國一類國家,如果你月薪無六位數字以上都唔叫得上優才, 優才計劃 應該係以Outstanding做標準,但依家入境處不如答吓我,一個收緊兩萬五人工嘅網絡工程師點解係優才,香港乜唔夠網絡工程師?唔怪得香港IT人被人壓價壓成咁,根本有人濫用 優才計劃 用嚟輸入廉價白領外地勞工,影響香港人嘅就業,究竟案中果件黃牛黨點解可以批到 優才計劃 嚟香港,當初入境處批果陣,邊間公司請佢,入境處應該向香港人交代吓。不過果年呢,立法會IT界功能組別議席俾譚偉豪選贏咗,譚偉豪呢條友對IT界嘅遺害仲有幾多呢,我真係唔多知嘞。

雖然好多人,包括我在內,都曾經相信收番單程證審批權可以改善問題,但依家係,單程證審批權固然應該收番喺香港人手上,但入境處同保安局信唔信得過,我就十分之懷疑,依家香港入境處不單承襲過往英國Home Office啲惡習,仲要依家將好多中國亂嚟嘅做嘢方式引入嚟香港,批咗大批唔知乜水嚟香港住,究竟 優才計劃 入嚟嘅人,有幾多係真優才,隨時係水份極多,變成每日中國移民搞出嚟嘅蘇州屎,唔係每日150人,係每日200人都似,香港唔陸沉就奇。睇嚟 優才計劃 變黃牛計劃呢單嘢,好多人應該會入法院食花生。

有時候,年青人點解會諗香港獨立,因為香港獨咗立至可以take back control,攞番入境自主權,雖然做英國海外屬地都可以(百慕達咪deport唔少overstay嘅英國公民)。

One thought on “優才計劃 變黃牛計劃

發表迴響

你的電子郵件位址並不會被公開。 必要欄位標記為 *