商場雜記

1. 我老是不明白恆隆地產管理的商場,點解一定要鎖公廁。事實上,商場提供市民「放水」之便,不會對商場的operation cost造成很大影響,但市民如果去完商場廁所,不用急住還鎖匙給商戶,事實上很能夠促進商場人流,甚至消費。陳啟宗在年報話佢地係「消費股」,陳啟宗管理商場的概念,令我對他深表懷疑。

2. 九倉很多業務都係膠,但論商場管理,可能係英資置地和太古以外做得最好,不要說時代廣場,像北角健威花園商場fitfort,由原本一個街坊場都可以翻新做一個中產社區場,甚至有能力和港運城商場爭一日之長短,由商戶組合到裝修翻新,都可以看到九倉商場管理的功力。

3. 當然,論管理商場最爛,當推長實和黃系莫屬,我想問,長實和黃系邊個商場叫做掂。我心諗,除了房署商業樓宇科,我估最爛的商場管理係長實和黃。合和反而都有進步,至少合和管唔掂的健威花園,合和俾九倉去搞,而合和、胡忠商場都開始慢慢翻新得好一些。不如長實和黃將商場賣俾領匯、九倉、新地、太古或者置地。

7 thoughts on “商場雜記

  1. 論商場管理,當然以太古最佳,其次是九倉,至於置地,其實很難去講,因為佢主地只是在中環,沒有其他,難比較,不過自己置地主場其實並不是很好,單是佢d office舊到冇朋友就知,只是地王中心,才有這個價。

    反而新鴻基近年其實做得不錯IFC同APM已經成為省招牌,遲些那個ICC,必定響朵。

    和黃最成功可能只得個黃埔花園有點起色,因為那個區只得佢地一個大型商場,人流必定最多,可以易搞起。

    其實地段很重要,有了地段,物業管理才易做。以前英資時代,置地可以拿中環地王,但到依家置地已經不能再發圍,所以才有華資乘勢起家。

  2. 置地個地管理好在哪裡,是名牌能夠做到應有氣派,佢Office舊一回事,但名牌俾到信心要緊。

    新鴻基IFC同APM管得好好,Elements(即係ICC個商場部分),有少少令人失望,因為金、木、水、火、土玩到你頭暈眼花,不過Civic Square個concept okay。

    黃埔花園叫管得差,如果黃埔花園咁的位置,俾九倉玩,實勁好多(隨時九倉在天星碼頭班次到加倍配合,吹佢唔脹)。

    講到地段重要,我呢度順便為領匯講句公道話,領匯有些場查實做得翻生已經好唔錯。領匯有些場根本係「計劃經濟」產物,本來係政府錯誤決策的結果,無論商場的間格設計以至位置,我心諗:呢些係豬頭骨嚟架。

  3. My hierarchy:
    一流:太古,置地,九倉
    尚好:新鴻基,港鐵全資或合營
    開始不行啦:長實,和黃
    差:恒隆全資自營
    劣:恆基,領匯,信和

  4. 我反而覺得太古才是膠中之膠,簡直是膠爆!太古城咁大個商場,有一期二期,亦有好幾間嬰兒商店,竟然連育嬰室都容不下,去問太古管理,他們叫女廁裡面的「換片板」叫做「育嬰室」,厚顏至此,提起到把幾火!

    又一城稍為好一點,但都只有一個平日上鎖需要管理員開鎖的育嬰室,個育嬰室仲要只係比一對母子使用,小寶寶食奶換片動輒需要半小時,你叫其他人點等?

    育嬰室設施呢方面,新鴻基好過太古好多喇。

  5. 我自己多數去新地旗下商場多(因為我家附近只有新地的大商場), 我認為新地管理商場和設施做得不錯.

    其次管理好一點的, 我認為是太古和港鐵.

    置地, 九龍倉的商場, 我很少去, 不作評論.

    最差勁的是長實/和黃的商場, 有些長和旗下商場有如死城一樣, 所以長實/和黃的商場很多已經spin-off到REIT裡.

    領匯接手後的商場, 裝修和設施比起以前房署時代的確進步很多(可能是因為領匯的主席是以前置地大班吧), 不過設施始終未及新地.

  6. 傳統華人公司是從方便自己管理而思考的,開放了廁所,街外人無幫親,也會專登走來借廁所,用完洗手搞到通地溼o西,成個水塘o甘,當然要鎖住唔好立亂被人用啦。至於開放廁所會增加人流,他們也應考慮過,但一般人阿完就走,哪會有幫親?就算有,也得不償失。

    從北角健威商場fitfort,過一條只有兩條行車綫的窄馬路,就到太古管理的港運城商場。港運城商場樓上是住宅,97金融風暴前頗多日本人住,是北角區的中產地段,格調明顯比健威fitfort高。後來很多日本人離港,本地中產也窮了。同區的大陸新移民,福建幫,土共不足以維持該商場的生意,現在的場面是頗爲冷清的。

    反而旁邊的fitfort走中下層路綫,小小一個商場,開了四間食肆,尤以回轉壽司生意奇好,金融海嘯前,平日直到晚上八九點,門外還是打蛇餅;加上另一間連鎖快餐店生意已很好,帶旺了整個商場的氣氛。

    大家都知道香港人很為食,如果不很貴,又好食,可以令一個地方起死回生的。

  7. 講起領匯,其實說翻生,只是表面,因為租金貴到咁,普通租客根本食唔落,最後只有大財團肯用佢地既地方,當然成本就在消費者身上,其實如果去公屋租客,佢地消費力雖然不是差,但絕對並不是如IFC級數,要他們食貴野,真係仲死,公公婆婆平時十蚊飯,依家變廿蚊,很大程度是租金問題,所以好睇唔好食,當然領匯股東就最好食。或者叫居民leverage番,買翻d領匯補補佢,套戥翻。

    講起置地,其實有錢佬租客好多都閃左去新地方,舊客好多時係一些細細地做左中環生文好多年的trading公司,以及Bar會係果度擺檔。

發表迴響

你的電子郵件位址並不會被公開。 必要欄位標記為 *