新昌-min

點解無人查 新昌 搞乜鬼

呢排我會寫多少少財經,因為支爆期間乜嘢鬼怪事都會發生。但依家最膠嘅其中一單case,係 新昌 嘅財困危機,政府代找M+條數已經好有問題,但 新昌 成單財困最大關鍵係,點解一間市值三十億嘅公司,要買大股東喺佛山嘅地皮資產至得。

新昌 財困之謎無人答

新昌 財困嘅關鍵,係 新昌 用作價七十五億買入大股東林卓延喺佛山一個無雷公咁遠嘅地產項目,點解當時證監可以俾呢啲荒謬到爆嘅資產交易發生。大佬,你依家唔係一般得一個股東嘅有限公司,將啲資產調嚟調去,係一間上市公司走去買大股東無厘頭資產,依家呢件事仍然無人追究,仲要政府繼續係咁批啲工程 新昌 做,咁問題嚟,究竟政府受乜嘢政治壓力唆使,明知 新昌 已經有問題,仲繼續由得 新昌 繼續啲工程,甚至代為向 新昌 啲外判商找數,呢件事簡直去到X檔案級數,仲有2017年2月,政府幫 新昌 找M+條數果陣,西九董事局主席仍然係政務司司長張建宗,張建宗係一件無膽嘅仆街,如果無上頭指示,佢邊敢玩呢啲飛象過河嘢,呢單嘢隨時係林鄭月娥都係知情同有份,依家西九董事局主席唐英年,以為做咗主席巧威威,只不過依家佢變咗林鄭月娥嘅避彈衣,有乜事佢條傻佬出去擋,啲膚淺嘅記者就只會追住唐英年,罪魁禍首林鄭月娥同張建宗,對住外界質疑,就真係關人個關,關人X事。

依家香港好多公司係唔應該投資,因為一有中國人做大股東,啲公司管治仲膠過香港華人多多聲,你乜嘢匪夷所思嘅事都會見到,大家諗吓葉謀遵博士果陣嘅 新昌 ,啲作風邊度係咁,葉謀遵博士年代嘅 新昌 ,無錯係一間好保守嘅公司,但亦係相對穩陣嘅公司,呢啲old money做嘢仲有啲底線,依家呢班中國人做生意係全無底線,連我都唔知一旦支爆,仲有無其他公司啲嘢膠過 新昌 , 新昌 果單係手法特別核突,但其他公司未必咁核突,只不過爆起嚟一樣咁難睇,如果政府喺某啲工程度,啲找數方法十分之奇怪嘅話,大家應該留意一啲收錢果班係乜人物,依家香港政府基本上都係賊竇嚟,香港人交稅只不過用嚟養賊,唔係真係為香港人。

3 thoughts on “點解無人查 新昌 搞乜鬼

發表迴響

你的電子郵件位址並不會被公開。 必要欄位標記為 *