金正恩-走數-min

金正恩 走數會搞出戰爭危機

金正恩 似乎以為Trump真係一如啲左膠示威者講,係智商如BB嘅傻仔,竟然喺拆舊飛彈試驗場果陣,喺平壤北面繼續搞洲際導彈試驗場,我唔知 金正恩 呢鋪有無判斷錯誤,但如果北韓唔解釋呢件事,睇嚟Trump會兌現佢喺恐嚇片度講嘅嘢:炸平北韓。

金正恩 唔明白Trump個性

Trump絕對係一個生意佬,所以佢往往係大人在先,再傾條件,佢對日本、歐盟都係咁做,而且基本上係work,如果 金正恩 肯履行承諾,佢應該會得到好優厚嘅報酬,但依家似乎係中國提供財政,以至各方面資源俾 金正恩 繼續玩飛彈,呢種中國式兩面三刀手法係極乞人憎,仲要係極乞 Trump 憎,所以如果 金正恩 無好嘅解釋,或者立即停咗果啲黐線導彈項目嘅話,我相信 Trump 會有再強硬啲嘅行動,甚至係真係發動軍事行動,你估依家 金正恩 咁玩法,日本唔會俾壓力美國,俾壓力美國,令日本可以乘機將自衛隊正名為軍隊都值回票價喇,所以 金正恩 呢鋪走數,係會搞出戰爭危機,呢個係唔駛講。

當然依家即時最大鑊,應該係國務卿Mike Pompeo同埋南韓總統文在寅,呢兩條拍晒心口搞得掂北韓,最後結果竟然係搞唔掂,呢鋪真係唔慌唔搞出人命,所以我估我係Mike Pompeo真係打定辭職信都得,唔通聽 Trump 講You’re fired好好玩喇,大家都知自侵總統上台以嚟,佢已經fired幾多佢身邊啲官僚,真係唔爭在再炒多幾個,當果個rocket man 喺佢打算伊朗講數果陣,咁樣明玩佢。

當然中國會唔會好過,唔會,我相信好快Trump就嚟個全面關稅,甚至如果再就朝鮮半島宗主權挑起戰爭我都唔意外,因為中國已經玩到離晒大譜,過晒火位,中國乜嘢怪招都可以玩,走去幫 金正恩 再做火箭人係其中一樣絕對佢玩唔起嘅嘢,因為美國係有藉口可以用武力回應你中國,依家中國呢啲小動作,可以夠挑起美國人道火有餘。所以未來亞洲局勢會好唔穩定,你仲諗住投資股市喺亞洲,仲諗住中秋或中共國慶去南韓玩,我諗除非你好夠膽,或想體驗一下大戰嘅味道,否則都係唔好玩呢家嘢。

發表迴響

你的電子郵件位址並不會被公開。 必要欄位標記為 *