Jeremy Hunt-維權

Jeremy Hunt 訪華點解見維權人士

Jeremy Hunt 訪華,由於佢個中國老婆身份唔清唔楚,唔好話香港,英國都大把人唔信佢,所以,佢訪華備受懷疑。 Jeremy Hunt 做咗一件歷任英國外長無做嘅事,就係見中國異見人士。 Jeremy Hunt 竟然見709維權人士,其實玩乜?

Jeremy Hunt 想洗底

首先, Jeremy Hunt 處境同Trump好似,因為背景有污點,無人信佢,結果佢要學人做得硬一啲,但一下子唔知點扮硬淨,因為FCO班中國叩頭通,鬼曉乜嘢叫對華強硬,所以佢自己應該係抄默克爾條橋,見709維權人士,至少洗底之餘,亦可以顯出,佢硬淨起嚟,可以同默嬸嬸有得揮。如果無劉霞被救出,以及德國連ban兩單中國買嘢嘅大刁,你 Jeremy Hunt 嘅洗底算盤都仲話打得響,只不過,依家德國人成功救劉霞出嚟,俾劉霞無限制逗留德國,跟住德國可以完全唔賣中國帳,連ban兩單大嘢,兼且同美國一齊對付中國,你 Jeremy Hunt 有無咁硬淨。況且德國人見709維權人士,因為默克爾自己都係東德民運人士出身,佢係以過來人身份去救人,同埋因為希特拉嘅陰影,德國人有一種對難民問題嘅情意結,呢個係好多英文人,或香港人都唔明,但讀過德國史就會好明果種心結。所以 Jeremy Hunt 嘅洗底行動,其實係十分之核突,當然, Jeremy Hunt 肯做,都總好過無做嘅,好事做得核突,都要做架,係唔係?

我唔會教 Jeremy Hunt 分妻,佢老婆信唔信得過,留番俾MI5做Security Clearance,但 Jeremy Hunt 想洗底,唔該喺香港問題上展現強硬立場,特別英文新聞稿出清楚啲,大家都知香港中文傳媒主事人,好多人都係大中華膠嚟,你唔畫公仔畫出腸,中聯辦都可以歪曲你意思, Jeremy Hunt 自己識睇中文,應該明白中國國情,究竟係搞緊點嘅一回事喇。如果 Jeremy Hunt喺英國嘅份內事,亦即喺香港問題夠硬淨,以中國欺善怕惡性格,你要學德國人咁,救完香港人再同Trump夾埋玩中國再攞埋中國著數都仲得,問題係,依家英國人嘅計算能力唔及冷靜嘅德國佬。

One thought on “Jeremy Hunt 訪華點解見維權人士

  1. 我覺得件事更有景轟係,佢攞埋王毅係日本通來示威,然後加插訪問709行程。其實甚至去北京係臨時加插㗎,佢去完中國之後去奧地利!

    睇返外長會面開始時話錯老婆郭氏係日本人條片,之後打圓場加咗句「We spoke in Japanese in state banquet」,講嗰時仲要成隻手板指住王毅,荒死冇人知自己同王毅識日文咁款。

    https://twitter.com/bbcnews/status/1023850433687605248

    侯俊偉似乎係去北京示威多啲,唔怪得MI5、 MI6批佢上位。

發表迴響

你的電子郵件位址並不會被公開。 必要欄位標記為 *