會員制 一個月

搞 會員制 一個月,如果今晚有人可以做到第100個會員,我會有小禮品奉贈,我順便講一吓,我對 會員制 行咗一個月一啲睇法,以及我未來一啲喺 會員制 網站上嘅發展安排,我期望係不斷有進步,正如我間shop依家終於叫可以真係做e-commerce(多謝德國郵政,以及奧地利STINA公司,佢令我間商店可以全面採用德國郵政嘅solution)。

會員制 需要做更多嘢

首先, 會員制 一個月有接近一百人,其實我係超出我預期,因為大家都知,香港人係幾唔願意俾錢,當然,大家喺shop買嘢,都係一種支持,但對一個內容網站嚟講,零售係幫補之用,同埋一旦發大,可以未必同內容本身有關,正業應該係由內容所產生嘅收入,即係廣告同月費。當然,我商店賣嘅嘢,我揀嘢賣都會盡量符合自己嘅理念,否則我賣Yubico嘅key嚟做乜?推廣資訊保安,都係一種責任。

當然,作為一個有名有姓嘅網站,我收得月費,有啲人問啲好離譜嘅問題,我都唔會公開鬧爆佢,同埋如果有人有疑問,我係會盡量回應,呢個就係同無名無姓,唔知乜水搞嘅網站唔同嘅地方,佢地可以提出一個主張後,一啲跟進都無完全不負責任,當然,有啲嘢,係應該當事人自己做,但我會講得好清楚,有啲嘢係收錢都唔做(例如亂副署BNO表格),有啲係唔收錢我都做(有啲案,你俾線索,我攞錢自己查),有啲就必須揸正程序做,我好清楚自己做乜。但有人應該係搵咗卓澄嘅公司幫手,搵埋啲「名人」拉like,我第一次聽到做懲罰市民黨會拉到like,奇聞也。佢拉乜人幫手,咪更暴露佢係卓澄果班人。

跟住,你話我 會員制 網站仲有無嘢,梗係大把嘢加,但會員過100後,我會喺會員制網站加一節十五分鐘嘅分析節目,暫時Audio Only,因為可以應付到一旦加Audio可能嘅開支,特別Streaming相關。同埋,呢度嘅無廣告版,我研究過點樣搞後,會俾會員瀏覽,咁會員可以唔駛睇廣告,齋睇文,咁樣分開兩班人,分析節目應該8月1日開始可以試行,但無廣告版,應該會等到我去英國完再返德國後做。

2 thoughts on “會員制 一個月

發表迴響

你的電子郵件位址並不會被公開。 必要欄位標記為 *