人民幣

人民幣 會仆到乜時候

人民幣 今日繼續跌,睇嚟1美元兌6.9人民幣甚至7人民幣呢個心理關口遲早問題,有啲仆街,仲話依家入人民幣入得過,如果你仲唔知乜嘢叫支爆,咁我呢度再解釋一次,解釋完之後,你就明 人民幣 以及人民幣資產有幾牙煙。

人民幣 會仆到幾時

中國成日話自己揸住好多美債,但一個國家嘅債務水平健唔健康,其實係睇GDP同債務比例,即係咁講,GDP係你嘅月薪,而債務係你嘅咭數,你嘅咭數同供樓嘅錢,同你收入嘅比例,就係果回事,如果你根本賺唔到咁多錢,你就還唔起債,跟住被人call loan或其他嘢,就係咁簡單。唔計日本呢個怪異國家,因為人民個個將自己啲錢存晒入政府度,變成日本國債佔GDP比重成兩倍,但由於係自己欠自己,結果唔知點計佢之外,中國問題係,主權債務好似好健康,但中國乜嘢商業機構、銀行、地方政府全部都係政府債務,結果政府債務比率變成好似程曉農講,成GDP嘅2.6倍,你以為中國經濟好健康,其實中國經濟係完全唔掂當,死得人。

或者我咁比喻,美國係爭人錢多,賺幾多爭人幾多,只不過,美國得一條credit line,就係美國國債,所以大家唔多擔心佢,而日本仔,係爭好多人,但都係佢啲仔女、親友借俾佢,佢啲親友仔女幾可會申請佢破產,但中國呢,又銀行透支、又用第二個人嘅名借嘅錢、又咭數,唔知有幾多隱藏負債喺度,條數亂過亂世佳人,所以當依家債務係GDP 2.6倍果陣,中國嘅情況就會支爆,除非靠貨幣貶值,將國內債務off-set咗佢,否則係會慘死,呢個就係關鍵,你當國家財政體質係一個人嘅財政體質去評估,就唔會太難了解發生緊乜嘢事。同樣嘅國債比率佔GDP水平,唔會有日爆(最多係無起色),但會有支爆,就係係呢個原因。日本仔嘅國債,某程度上佢啲repayment,包括啲利息支出,其實好大程度上係一種養老金(你要知道買日本國債有唔少係銀行或平民百姓,甚至係政府收地之類,日本政府就賠張國庫券俾你收息,呢啲嘢香港係聞所未聞),仲未計佢龐大海外資產,中國有乜海外資產,走資就有。

所以 人民幣 仆到乜時候,變陰司紙嘅時候,依家只係開始。當然變咗陰司紙後,都會民變四起,祝你好運。

發表迴響

你的電子郵件位址並不會被公開。 必要欄位標記為 *