MH370-min

MH370 :永遠都唔會有答案?

MH370 呢單嘢搞咗咁耐,除咗少量殘骸,屍體、行李完全無發現過,完全係X檔案級案件,今日馬來西亞政府公布最後調查報告,呢單嘢會唔會有答案,我估最後係無答案,或者幾十年,或成百年後,有潛艇喺印度洋潛行,或者有啲答案出現,因為呢單嘢根本係政治黑幕。

MH370 同納吉嘅關係

傳媒報導,都係果啲無辜嘅一般人嘅家屬,佢地嘅遭遇十分值得同情,但無人知道所有喺機上嘅人嘅身份,以至架機載住乜嘢貨,甚至所有同果架波音777相關嘅通訊設備清單。如果馬來西亞新政府公布嘅報告,會有相關嘅報告係好事,但我懷疑馬來西亞新政府手上有幾多資料,因為成件事最關鍵嘅人物係納吉,納吉係盡快將馬航清盤,交俾新公司,咁果啲資料同檔案仲存唔存在,我相信馬哈迪醫生幾英明都好,都唔會令到呢啲資料重新復活,更何況馬來西亞新政府,依家要對付巫統果啲極端勢力,同埋納吉喺一馬案果啲蘇州屎已經十分之煩,究竟可以投放到幾多精力喺 MH370 呢單案身上,我十分之懷疑,縱使如果我係馬哈迪,都可能想知,究竟 MH370 呢架機實際玩乜,甚至有無嘢同一馬案可能有關,由納吉可以用C4炸藥炸死蒙古女郎嘅經歷嚟睇, MH370 可能係一單匪夷所思嘅暗殺或毀滅資料陰謀有乜奇,馬來西亞國防部,應該有人有足夠能力,製造一單專業機師都無法挽救嘅空難,攞一大堆無辜嘅人去陪葬,純粹為一已之私。特別架飛機飛去印度洋果個水域,果個水域根本係擺明搏你搵唔到殘骸,所以係一個有心做嘅空難係咁解,只不過爭在係用Remote飛機形式去搞到空難(例如cut斷氧氣再自動導航),定係根本個program有問題。

要 MH370 單嘢有真相,要點樣做,唯一有效嘅方法,係迫納吉交代真相,但納吉喺一馬案同蒙古女郎案都未必肯交代真相,更何況 MH370 ?所以 MH370 由今日開始,已經係歷史學家嘅責任,要喺死難者家屬在世果陣有番一個真相,似乎已經變咗無乜可能,而且仲可能要中國民主化埋至得,只不過,中國民主化呢家嘢真係難過香港獨立。

發表迴響

你的電子郵件位址並不會被公開。 必要欄位標記為 *