葡萄牙-edp-min

葡萄牙 會否成為抵抗中國入侵嘅 the weakest link

雖然英國 National Archive 密件解密,指英國阻止葡國將葡國國籍俾澳門人,「阻止香港人」移民係中國嘅spin。但我睇係另一樣嘢,應該未解密,但係公開秘密,就係 葡萄牙 會成為抵抗中國入侵嘅the weakest link。我相信,照依家 葡萄牙 電力公司edp(Energias de Portugal SA)收購案嚟睇,隨時不幸成真。

葡萄牙 會有幾牙煙

之前中國已經想收購前東德電網系統一部分嘅50Hertz,如果成事,前東德包括柏林嘅電網,以及漢堡電網系統就喺中國手上,但好彩,德國政府煞停交易,所以無事,但中國想入侵歐洲電網呢樣嘢係唔會停,呢次係明刀明槍買 葡萄牙 電力公司,當然,依家被指作價太低,但 葡萄牙 政府就算有要求,例如主席必須因葡國公民擔任,總部必須留喺里斯本等都應該唔難做到,因為澳門大把葡籍人士,搵個投咗共嘅土生葡人去控制edp都未必有問題,更何況搵個共產黨控制到嘅華裔更小兒科。

英國都有唔少投共英人,否則Jeremy Hunt嘅外長任命唔會咁令人擔心,只不過,英籍華裔人士嘅反共人數有番咁上下,同埋英國始終被美國睇住,同埋英國都有番咁上下錢,啲BN(HK)A 1990啲華人都唔係個個有料做白手套,但 葡萄牙 唔係呢回事,仲要 葡萄牙 自己嘅管治都係一鑊泡,否則澳門唔會咁早陷共,同埋葡國喺澳門嘅管治近乎係垃圾級別,所以依家有咁多持 葡萄牙 護照嘅澳門人喺度,佢地大量做中國嘅白手套喺歐洲同英國周圍走,本身就係國家安全威脅,所以我對當年英國嘅做法,我係持理解嘅態度,雖然成個做法都堅係十分之核突同難睇,真係講係英國歷史上羞恥嘅一章。

唔知 edp 最後歐洲委員會同美國會唔會准三峽集團嘅收購,但搞得唔好,有可能係法國或德國出手收購,確保歐盟嘅安全,都係果句,50Hertz都唔俾收購, edp 更加唔可能俾,但葡國國籍法,我認為係要改,同埋真係BREXIT嘅話,英國俾唔俾嚟自澳門葡國公民住喺英國,我認為係必須嚴查,否則佢地可能係英國國家安全威脅。一如我認為好似周融呢類人,係應該剝奪佢英國國籍一樣。

發表迴響

你的電子郵件位址並不會被公開。 必要欄位標記為 *