假疫苗-min

星期日休息: 假疫苗 之亂睇中國人嘅無能同殘暴

假疫苗 問題越演越烈,香港人幾乎都可以肯定,會有大量中國人南嚟打疫苗,而大家都知 假疫苗 都唔係新事,由豆腐渣學校,到三聚氰胺問題,其實都係一樣,就係啲貪污嘅人為咗搵錢,喺為新一代做嘅事做手腳,受害嘅都係下一代。基本上,中國人嘅食子文化不變嘅話,呢啲問題係沒完沒了,甚至呢個民族同國家都無得救,你能夠救到自己嘅下一代,就已經十分之好,唔好講中國嘅下一代,因為呢種食子文化,正正中國人自私自化表現嘅一部分。

假疫苗 之亂並唔令人意外

其實攞中國人嘅下一代嚟殘害嘅事,唔只第一鑊,由大躍進期間嘅食子文化,到文革利用年青人幫自己奪權,都充分反映中國人呢方面嘅殘暴性格,所以話中國人係一個無前途嘅民族,查實都唔係太誇張嘅講法,自鄧小平上台以嚟到依家,已經有六單呢啲事件,係重大而顯著,記住,呢啲係重大而顯著嘅事件

年份事件受害者
1989年北京大屠殺中國有理想一代大學生屠殺殆盡
1994年克拉瑪依大火中國官僚喺大火後先走人,中小學生死傷慘重,讓領導先去因此聞名
2003年大頭奶粉事件為賺錢,出售蛋白質含量不足嬰兒奶粉
2008年汶川大地震發現大量學校校舍係偷工減料嘅豆腐渣學校
2008年三聚氰胺事件大量中國兒童因飲三聚氰胺奶粉腎結石
2018年假疫苗為咗賺錢,出售假百日咳疫苗

大家要記住,2003年果件事,中國政府加強對嬰兒奶粉監管之後,就諗到用三聚氰胺出術,所以2003年同2008年兩單係互有關連,而2008年搞出事嘅官員,後嚟升官做監管疫苗,跟住就搞出2018年嘅大頭佛,所以呢啲事件係環環相扣,而環環相扣嘅原因,因為中共官員慣咗犧牲下一代嚟滿足自己嘅私利,同日本人要為下一代俾最好,學校一定係最安全避難所,楢山節考嘅老人家為咗年青人可以食多啲,不惜故意整到自己個樣睇落老啲,提早送上深山,藉此提高下一代嘅生存機會,兩種思維方式係完全唔同,所以呢個絕對係一個文化問題。

點解唔只係一個制度問題,而係文化問題,如果用電腦嘅術語,係一個作業系統問題,好簡單,1989年鄧小平決定為保政權,寧願殺咗自己用大量培養嘅大學生,而且啲人覺得係無問題,所謂為咗保住政權穩定,殺人,特別年青人係有理嘅,呢個開咗極壞先,一早打破咗虎毒不食兒嘅道德底線,當呢條底線一打破,就乜嘢再人渣嘅事都可以做得出嚟,先有計生委果種為咗搵銀草菅人命嘅殺嬰同墮胎方式,跟住1994年嘅克拉瑪依事件,然後乜嘢大頭奶粉、三聚氰胺奶粉、豆腐渣校舍等等,根本唔令人感到意外,因為你果條道德底線一早唔存在,大家就可以各出奇謀,為求搵銀不負責任,總之攞最弱勢嘅新生代當奶牛咁搾,自己嘅子女就送到西方國家,喺西方國家鍍完金,再繼續掌權,攞其他基層嘅下一代嘅血嚟飲,呢個就係所謂嘅中國國情,鄧小平開創呢種人渣思維嘅先河,文革嘅錯誤不單無糾正,而且係變本加厲,跟住乜嘢事情都可以發生,所以好多人睇一九八九年北京大屠殺嘅意義,根本搵唔到重點,甚至有部分民主派,自己對新生代果種打壓,其實都係鄧小平果種思維方式嘅反映,自己都無點改善過,所以我話成件事係一個作業系統問題,亦都係咁解,因為呢個係植咗入好多人思維方式嘅深處。

你話作業系統易唔易改,移風易俗一向不易,大家都知,日本所謂脫亞入歐,最終都只係唐宋以嚟嘅中華作業系統,上面再行個西方國家文化嘅Shell,即係WIndows 95果陣玩法,喺MS-DOS嘅核心度再加Windows嘅Shell,你覺得唔會有問題?梗係有問題,Microsoft自己喺Windows NT,唔要原本MS-DOS嘅核心,換上一個新核心,但留番一堆Windows嘅程度,即係之果個殻果啲嘢,都行到一舊屎咁,係得Mac OS成個核心換鬼走,直頭唔要原有68000體系,PowerPC體系都唔要,亦唔要原本嘅作業系統核心,向大型電腦睇齊用BSD UNIX為基礎嘅作業系統(所以Mac OS X係得到UNIX認證嘅作業系統),至真係改革完成。即係之前講全盤西化,其實都係講作業系統(文化)嘅全盤改革,但你覺得係做得到嘅?我真係十分之懷疑又懷疑。

所以 假疫苗 之亂絕對唔係個別事件,類似事件只會重演又重演,甚至民主化後都會重演,一如南韓世越號事件,正係喺民主化後發生,民主化可以某程度上壓抑邪惡,但如果文化有問題,民主能夠治標,唔能夠治本,正如印度一大堆膠問題,無民主實會膠十倍,但有民主本身並唔足夠解決全部問題。所以如果獨立,或歸英,可以小規模咁自己救自己,其實已經好功德無量,點解中國人放心去香港打疫苗,無他嘅,英國人過去百幾年移風易俗嘅貢獻咪喺度囉。

收費版嘅星期日休息,會講一啲關於反BNO宣傳嘅事。

2 thoughts on “星期日休息: 假疫苗 之亂睇中國人嘅無能同殘暴

  1. 假藥假苗事件, 根本同貿易逆差有關係, 中國其實很多野很缺乏. 只要中國肯同美國購買藥買苗互勵互利,也不會出現5千億逆差.根本是中國人的縮骨性格, 留番些美元外匯自己用,但自己的藥業技術又不濟.人口又多於是用些假野來充數.當然高官是不用受苦的所以不關他們事. D人來香港打疫苗,用的是你香港D美元去買,消耗香港的外匯儲備而不是中共的外匯, 所以它不反對市民也鼓勵你去香港去打疫苗. 這問題正如你所說是無法解決,涉及中央的貪腐問題, 涉及到中國人的本性,個OS, 同時也涉及到用國家外匯使用的問題. 幾個問題糾纏在一起,點改呀?

  2. 繼大6D假狂犬病疫苗, 有傳上個月廣西全省發生瘋狗症事件, 小心大6D狗, 亂咬人的, 政府又無狗隻登記制度, D人又無責任心, 把狗亂放自由走動, 狗吠完人找去理論 狗主還打人, 公安又不理, 看看网民節錄了狗到處咬人事件. 貼吧的: 胆小的慎入,大家出门还是小心吧…
    http://tieba.baidu.com/p/5815231442
    可能瘋狗症以在大陸蔓延, 只是官方不說. 一個改革了30年的國家依然像個第三世界似的?什麼也無牌無登記像蠻夷之地.

發表迴響

你的電子郵件位址並不會被公開。 必要欄位標記為 *