習近平-出巡-min

習近平 喺毛里裘斯玩皇帝出巡

習近平 近排要同歐美爭奪非洲,佢依家去非洲訪問,佢要爭非洲,但似乎條友完全唔識做人,中文傳媒應該得膠事錄有報,就係 習近平 好似皇帝出巡嘅架勢咁享受陽光與海灘,係咁封路,結果引發眾人嘅憤怒,結果你覺得毛里裘斯人點睇中國人,大家都明乜事。

習近平 以為自己係大清帝國皇帝

其實一如毛里裘斯嘅民眾所講,如果 習近平 真係好擔心佢個人嘅保安,係應該坐直昇機,並且請毛里裘斯空軍作出相應安排,好似Trump咁,佢都驚有保安問題,但Trump唔係係咁坐住佢架怪獸喺倫敦出巡,佢故意揀少啲人用嘅Stansted Airport,唔係用一早人迫到爆嘅Heathrow或Gatwick,然後喺Stansted即坐直昇機,否則全倫敦市民真係鬧爆個總統。依家 習近平 係以為自己係大清帝國皇帝,完全唔顧當地民生亂咁嚟,當然呢啲嘢中文傳媒係一定唔會講,因為依家好多中文傳媒編輯,根本只係聽命中聯辦講,或者所謂睇外電,睇嚟睇去都係睇啲英美左膠媒體,有邊個睇埋毛里裘斯啲法文新聞,香港自此一家,甚至台灣都唔會有好多家係咁,膠事錄囉。

我可以講,中資公司喺非洲目中無人,都唔係乜嘢新聞,好多非洲人眼中,中國比西方帝國主義勢力更邪惡同傲慢,而且一帶一路果種用借錢為名嚟控制人地國家嘅做法,十分之邪惡,除非好似巴基斯坦咁完全個國家面都唔要果隻,否則好多國家嘅國民係受唔住,如果非洲出現大規模排華,我一啲都唔意外,而我相信非洲爭奪戰裡面,中國一早輸咗俾歐盟國家,歐盟國家無錯好多係前宗主國,但依家歐盟國家用大量吸納移民,同埋加強文化聯繫,甚至提供市場,去爭取非洲國家支持,有啲部族大混戰,係歐洲國家至有呢個牙力令各方信服,特別係法國。 習近平 係依家擺大清帝國皇帝,搞中華朝貢體系呀,叫佢返去早抖喇。

仲有一樣嘢,如果香港講blog可以改行月費制度,膠事錄係少數其中一個,因為膠總真係睇晒世界各地,法、德、英文都有嘅傳媒,你估香港,香港啲外電簡直係垃圾崗,唔好講立場新聞,喺Ozil事件,反映立場新聞啲編輯都係一班燒壞腦嘅不學無術之人。

發表迴響

你的電子郵件位址並不會被公開。 必要欄位標記為 *