恆生-min

恆生 市值居然跑贏中銀香港反映啲乜

有一件財經新聞,表面上同支爆或香港歸英無關,但事實上係有關,就係HSBC旗下嘅 恆生 ,市值居然贏咗另一間發鈔銀行中銀香港。呢幾年,中銀香港好努力咁谷資產,都被恆生追返轉頭,成件事就好有問題。而且更令HSBC越嚟越重磅,會影響英國金融穩定。

恆生 贏市值嘅真正原因

其實近幾年,中銀香港都食咗唔少母公司嘅資產,特別喺南洋嘅業務,除咗新加坡嘅中銀仲係由總公司控制外,馬來西亞、汶萊、泰國、印尼、柬埔寨、越南、菲律賓嘅中銀全部都歸中銀香港旗下,亦賣咗南洋商業銀行,同埋集友銀行去充實資本,但最後結果其實好清楚,就係投資者唔信任中銀香港,或者所謂一帶一路政策,寧願信HSBC集團旗下,相對嚟得比較本土化同勇一啲嘅 恆生 銀行。

當然我唔係話 恆生 無問題, 恆生 嘅客係比較本土,貸款資產質素隨時係乜都有,但至少 恆生 應該無中銀香港放咁多中國公司有關嘅數,同埋亦由於 恆生 比較本土化,反而對唔少中國嘅資本嚟講,係一個好好嘅中轉站,因為HSBC本身被各國反洗黑錢機構睇到實,申請過英國銀行戶口就明,NatWest都無做咁足CRS(共同匯報標準)上嘅嘢,HSBC UK同香港 恆生 嘅做法幾乎係做足,並且一模一樣。只不過, 恆生 因為相對本土化,無HSBC HK被睇到咁實,你覺得中國啲資金,要走資要經邊度走,仲要 恆生 基本上都用得晒全世界HSBC嘅facility咁滯,至少喺英國, 恆生 嘅ATM卡係可以睇到港幣金額,甚至做到某啲香港至做到嘅操作。大家唔難估到, 恆生 市值跑贏中銀香港嘅原因,當中銀香港注入咁多中銀南洋資產都跑輸 恆生 ,其實反映好多人依家投緊中銀香港不信任一票。

所以依家中資銀行越嚟越無橋,但可以肯定嘅係,如果中銀香港嘅發鈔量仲係不尋常咁增加,咁成件事就一定有問題,發鈔量以HSBC佔優係正常,因為HSBC係有成個英國最大商業銀行,加香港本土最大商業銀行去支撐,但中銀香港如果市值再輸俾 恆生 ,都仲係咁加發行量,我就會懷疑,港紙會唔會最後變陰司紙。

發表迴響

你的電子郵件位址並不會被公開。 必要欄位標記為 *