違例泊車-拖車-min

用拖車對付 違例泊車 :正確方向

以往警方都成日有對付 違例泊車 行動,只不過以往果啲,講嚟講去都係派牛肉乾,但依家警方終於肯表明會拖走 違例泊車 ,如果警察唔係用賊過興兵嘅態度去對付港島果啲 違例泊車 ,喺一啲關鍵地點嘅車,一律係拖走先講,我相信條路唔會咁塞。

違例泊車 點解變成擾民

喺德國,其實派牛肉乾都派得好密,負責德國派告票嘅部門,一般係果個城市嘅Ordungsamt(城市管理,由商業登記到牛肉乾,乜都關佢事),但喺德國真係你最怕並唔係牛肉乾,牛肉乾最多咪喺Online-banking過數,雖然德國啲銀行轉帳效率唔係咁好,但真係最怕,係你放工果陣,發現你架車被人拖走咗,跟住你要買車飛去警察指定嘅拖車公司贖番架車,兼且即時找咗牛肉乾條數,同埋拖車佬條數,如果你住係市郊,就真係唔慌唔好玩,雖然拖車公司嘅office,一般係廿四小時營業嘅。因為咁搞去,你損失唔係幾十歐羅,係百三蚊歐羅起錶(千一蚊港紙左右),真係一啲都唔好玩。如果你見警察電單車喺條街出現,喺德國係唔好猶疑,揸走架車去附近停車場先講。

當然,警察唔係乜車都拖,但如果長期有 違例泊車 會對交通造成重大妨礙,例如double parking,或嚴重擠塞,就應該係拖咗先講,唔係派牛肉乾,因為保持交通暢通同安全,係成個對付 違例泊車 政策嘅重點,而唔係賺牛肉乾錢,如果政府咁想賺泊車錢,係應該正正常常整多啲咪錶位,或者批出泊車憑證,或者起政府停車場,而唔係走去一邊狂抄車,但一邊乜車位都唔提供。

仲有,喺德國同英國,有啲行業,例如電梯修理技工、醫生,喺執行任務期間,係可以奉指 違例泊車 (當然唔可以啲位太離譜),英國係Health and Safety at Work Act 1974授權,有Health and Safety at Work Act 1974就唔抄得,而德國係註冊醫生或技師,可以向市政府申請特別豁免書俾Ordungsamt同警察識別,香港都應該行呢套制度,咁樣至叫做公道,依家係有錢俾罰款嘅老闆車大晒,咁係唔得。

發表迴響

你的電子郵件位址並不會被公開。 必要欄位標記為 *